450 alumnos y alumnes d’Avilés participarán nes XV Xuntes d’Escolines y Escolinos

Tán dedicaes a la obra Agua, arroz y maíz de la escritora Berta Piñán, Premiu de Lliteratura Infantil y Xuvenil María Josefa Canellada nel añu 2008

La cita coincide nel tiempu cola XXXIX Selmana de les Llletres Asturianes

Esti xueves 3 demayu, a partir de les 10:30 hores, l’Auditoriu de la Casa la Cultura va recibir a 450 neños y neñes que van participar nes XV Xuntes d’Escolines y Escolinos d’Avilés. L’alcaldesa Mariví Montserín participará nel eventu acompañando al alumnáu avilesín.

Lo mesmo que la 39 Selmana de les Lletres Asturianes, esti alcuentru ente l’alumnáu de llingua asturiana d’Avilés va centrase principalmente na obra Agua, arroz y maíz de la escritora Berta Piñán, premiu de Lliteratura Infantil y Xuvenil María Josefa Canellada en 2008. Too ello dedicao esti añu a la lliteratura infantil y xuvenil.

Los centros participantes nes XV Xuntes d’Escolinos y Escolinos d’Avilés son los que vienen darréu:

Alumnáu de 4º, 5º y 6º de primaria

  • CEIP Villalegre
  • CEIP La Carriona-Miranda
  • CEIP Enrique Alonso
  • CEIP Llaranes
  • CEIP Palacio Valdés
  • CEIP Poeta Juan Ochoa
  • CEP Sabugo
  • CRA Castrillón-Illas

Alumnáu de Secundaria y Bachilleratu

  • IES Carreño Miranda
  • IES La Madalena
  • IES Nº 5

Los alumnos y alumnes prepararon nunos meses del cursu escolar la so actuación nestes Xuntes (actuaciones musicales, representaciones teatrales, llectures…) col tema d’esti añu. Los centros de Primaria lleven trabayando nos meses de marzu y abril talleres pa desenvolver el tema y na Casa la Cultura pondrán en comuña los sos trabayos. Too coordinao pola compañía de Teatru Nun Tris, que’l Conceyu d’Avilés afaya pa que maestros y maestres puedan preparar l’actividá.

Los centros de Secundaria y Bachilleratu participen col mesmu tema nun concursu nel que pueden presentaron trabayos col formatu d’audiovisul, tamién dempués del trabayu en talleres nos propios centros cola coordinación del la empresa Cuatro Gotes Producciones, contrada pol Conceyu d’Avilés pa esti fin. Estu añu’l ganador ye l’Institutu Carreño Miranda con un videoclip entituláu Movimientu asturianu.

Cartel Xuntes 2018

Per otru llau, el cartel anunciador de les Xuntes d’esti añu ye’l ganador del III Concursu de carteles pa centros de Primaria, que tein como fondu’l tema del llibru de Berta Piñán, Agua, arroz y maíz.

Nél pue lleese una parte d’esta obra de l’autora asturiana, enmarcáu nun dibuxu obra de Daniel García, Hugo Loza, Iago Fraga, Diego Amores y Marcos Galileo Campos, toos ellos alumnos de 6u A del CEIP Villalegre. Los ganadores recibirán un premiu valoráu en 150 euros y la edición del cartel.

Selmana de les Lletres n’Avilés

Dende que les instituciones asumieren la promoción y proteición de la llingua asturiana, cellébrase cada mes de mayu la Selmanade les Lletres Asturianes. Trátase d’ún de los actos culturales más importantes del añu, tanto pol so calter simbólicu, como pola so contribución al espardimientu de la industria cultural en llingua asturiana-

Pa esta edición, la númberu 39, la Conseyería d’Educación y Cultura prepró un programa d’actos col de tema de la lliteratura infantil y xuvenil que se fizo y se ta faciendo n’Asturies. El programa preparáu llegará a tola sociedá asturiana ente’l 30 d’abril y el 6 de mayu con actos de toa mena.

Una de les instituciones que collabora col Gobiernu d’Asturies pa llevar esta iniciativa p’alantre ye’l Conceyu d’Avilés. Ente los actos que se van facer na ciudá ta la VI Feria del Llibru y Discu n’Asturianu, entamada xunto cola Asociación de Llibreríes del Principáu. La feria llántase na plaza de Domingo Álvarez Acebal ente’l 3 y el 6 de mayu, de 11.00 a 14.00 y de 17.00 a 21.00 de xueves a sábadu y de 11.00 a 19.00 el domingu.

L’eventu arrancará esti xueves cola presentación de les ediciones conmemoratives Cúntame un cuentu y Cúntame un conto, dos obres, n’asturianu y gallego-asturianu, respeutivamente, qu’incluyen rellatos infantiles y pa la mocedá de 18 autores, ilustraos por dibuxantes.

Trátase d’una de les actividaes añales que má puxa porque la lliteratura y la música na nuesta llingua pueda “tastiase”, con varies actividaes como presentaciones de llibros, conciertos n’acústicu o actividaes pa neños y neñes.

Tags:

  • Conseyu de redacción de Conocer Asturies. redaccion@conocerasturies.es

Artículos rellacionaos

V Salón d’agroalimentación y turismu del Arcu Atlánticu

Un grupu de productores de les rexones atlántiques españoles va ufiertar los sos productos ...

Los Reis Magos van aportar a Xixón en camellu

Pela mañana, el Príncipe Aliatar y Les Sos Maxestaes van aportar a la plaza’l ...

El Muséu del Pueblu d’Asturies acueye’l Día de la Reciella

El domingu 1 d’ochobre va cellebrase’l nel Muséu del Pueblu d’Asturies el quintu Día ...