Anabel Santiago llega a Mundu Sidreru (TPA) pa falar de la rellación ente la Sidra d’Asturies y la música

La televisión pública asturiana (TPA) va emitir esti domingu un nuevu capítulu del so programa dedicáu a la Sidra d’Asturies. Mundu Sidreru, presentáu pol periodista Inaciu Galán, va tener a Anabel Santiago, cantante asturiana que revolucionó’l mundu de la tonada, como protagonista principal, nuna charra na que va falase de la so carrera y de la so rellación cola Sidra d’Asturies.

Nesti tercer capítulu de Mundu Sidreru, el programa percuerre’l llagar Vallina, en Xixón. 

El chigre visitáu nesta ocasión ye Casa Mery, de Villaviciosa, onde Jose, chigreru y echador, va enseñanos como caltener la sidra na temperatura correcta.

El programa inclúi una receta fecha con Sidra d’Asturies pol cocineru Lluis Nel Estrada que nesti casu va consistir nun requeson a la sidra. Esti capítulu va averanos tamién a una pumarada onde falamos de les variedaes autóctones.

El programa emítese los domingos a les 21:30 hores y cuenta cola collaboración de la DOP Sidra d’Asturies

 

Artículos rellacionaos

Esti llunes ábrese la matrícula de la Prueba de Conocencia de l’Academia de la Llingua Asturiana

L’Academia de la Llingua Asturiana, sabiendo’l fondu interés de munches persones por llograr que ...

Berta Piñán gana’l 38 Premiu Xosefa Xovellanos de novela n’asturianu

Berta Piñán ha ganado el Premio Xosefa Xovellanos de novela en asturiano, que concede ...

Xuan Santori Vázquez llogra’l Premiu Máximo Fuertes Acevedo d’Ensayu n’asturianu

Xuan Santori Vázquez, resultó ser el ganador de la XXIII edición del Premiu «Máximo ...

La llingua asturiana ye oficial n’Europa

La llingua asturiana va protagonizar una selmana temática demientres los actos oficiales de la ...

Gijón Sound Festival, nomináu a los Iberian Festival Awards 2017

Gijón Sound Festival, entamáu por Mestizo y Divertia, ta nomináu en 8 estayes de ...