Asturies superó los dos millones de turistes nel mes d’ochobre

Asturies rexistró 2.080.385 visitantes y 5.082.909 pernoctaciones de xineru a ochobre. “Estos datos confirmen l’enclín de crecedera sostenida de los últimos exercicios”, destacó’l director xeneral de Turismu del Gobiernu d’Asturies.

Los agospiamientos asturianos rexistraron n’ochobre 178.861 visitantes y 366.139 pernoctaciones. Con estos datos, el país sumó 2.080.385 turistes nos diez primeros meses del añu. Superó asina, per tercer exerciciu consecutivu, la barrera de los dos millones de visitantes. Tocantes a les pernoctaciones, el númberu acumuláu de xineru a ochobre llegó a 5.082.909.

Julio González Zapico, director xeneral de Turismu, afirmó qu’estes cifres “confirmen l’enclín de medra caltenida de los últimos años”. “Algamemos una velocidá de cruceru estable que redunda nel afitamientu del nuesu destín turísticu”, añadió.

“Güei cuntamos con un millón más de pernoctaciones que nes mesmes feches de 2014 y con 351.000 turistes penriba de los rexistraos nesi añu”, destacó Zapico.

El director de Turismu refirióse tamién al comportamientu del empléu venceyáu a les tipoloxíes d’agospiamientu qu’analiza l’INE, “con una medría del 1,2% sobro ochobre de 2017, hasta algamar los 5.027 trabayadores”.

Tags:

Artículos rellacionaos

Trés barcos hestóricos van atracar en Xixón

Répliques de los más célebres navíos de la hestoria, van poder visitase xuntos per ...

Nueves visites guiaes a la esposición “Voces. La llingua al traviés de los sieglos”

Más de 4.000 persones visitaron yá la esposición Voces. La llingua n’Asturies al traviés de ...

Bailles d’Asturies: El cariáu

Baille de corru estendíu per gran parte del occidente d’Asturies, en conceyos tan distantes ...

Xixón anuévase como destín gastronómicu

Xixón Turismu presenta l’actualización de los sos productos gastronómicos Gijón Gourmet y Ruta de ...