El máximu representante del trap va visitar el parque Hermanos Castro el 23 de xunetu
Les entraes van tar a la vienta’l próximu martes 27 de marzu con una promoción de llanzamientu
La xira d’Operación Triunfo, esti branu en Xixón

Gijón Life sigui aumentando’l so cartelu pa convertise n’unu de los ciclos musicales más importantes de la ciudá de los últimos años. La so última incorporación, Bad Bunny, ye a día de güei unu de los máximos representantes del Trap Llatinu. L’artista va xubise al escenariu de Gijón Life el 23 de xunetu a les 22:00 h.

El puertorriqueñu, compositor y cantante, empezó a xubir los sos cantares a Youtube y a compartilos nes redes sociales y asina foi como empezó a aumentar los sos siguidores y a dase a conocer na música urbana. Col respaldu de la discográfica Hear This Music, l’artista llogró un ésitu ensin precedentes con temes como “Diles,” “Soy peor” y “Tú no vives así”, amás de ser el compositor de “La Ocasión”, consideráu l’himnu de la música Trap.

Adulces, Bad Bunny apoderó’l mundu de la música dixital, algamando más de mediu billón de reproducciones nos sos videos de la so canal oficial de YouTube y llegando a lo más alto en toles plataformes dixitales de música. Amás, Bad Bunny yá se consagró nel xéneru de música urbana participando en temes con artistes de la talla de Farruko, De La Ghetto, J Balvin, Maluma, Nicky Jam y Ozuna.

Con una curtia pero esitosa carrera, la so música pasó les barreres de Llatinoamérica a Estaos Xuníos y Europa y ye unu de los artistes de xéneru urbanu más representativu de la so xeneración.

Les entraes van salir a la vienta’l próximu martes 27 de marzu a les 12:00 h con una promoción de llanzamientu de 22€ pa les primeres 1.000 entraes. Los puntos de vienta van ser gijonlife.com, entradasatualcance.com y les taquilles del Teatru Xovellanos:

– Entrada xeneral: 35€ (22€ con promoción pa les primeres 1.000 entraes SOLO EN VIENTA ONLINE)
– Entrada VIP Gold (Frente al escenariu): 58 €

Tags:

  • Conseyu de redacción de Conocer Asturies. redaccion@conocerasturies.es

Artículos rellacionaos

La xira d’Operación Triunfo, esti branu en Xixón

Los 16 concursantes de la última edición de OT van ufiertar el so espectáculu’l ...

Taburete, cabeza de cartelu de Metrópoli Winter

El festival Metrópoli va tener una edición urbana mientres estes Navidaes en distintos espacios ...

Misiva presenta’l so nuevu videoclip “Bombes”

Los asturianos Misiva siguen con más novedaes alredor del so nuevu discu “En Pie ...

Conciertu de Dani Martín en xunetu de 2018 en Xixón

Dani Martín va llegar a Xixón cola xira Grandes Éxitos y Pequeños Desastres, un percorríu ...