CaleyAvilés destapará los secretos de la ciudá con cinco visites guiaes n’asturianu

Toles rutes van facese’l primer vienres de cada mes hasta setiembre, a les 19 hores, salvo la primer ruta programada que ye yal vienres 18 de mayu. 
Podrá visitase’l Muséu de la Historia Urbana d’Avilés, el parque de La Madalena, el barriu de Sabugo, el parque d’El Muelle, el Paséu de la Ría, el parque Ferrera, el pozu de La Noria y el cascu históricu xunto cola capiella Las Alas. 

Ye’l tercer añu siguíu que la Estaya de la Llingua entama’l ciclu d’actividaes Caleyavilés, col respaldu del públicu nes dos primeres ediciones, onde van poder descubrir los secretos de la ciudá conociendo dalgunos de los sos sitios más emblemáticos. Van ser cinco visites andando, empiecen el vienres 18 de mayu, coincidiendo col Día Internacional de los Museos, y en xunu, xunetu, agostu y setiembre, el primer vienres de cada mes. 

L’oxetivu ye dir conociendo requexos naturales y tamién urbanos d’Avilés, diendo andando y guiaos en llingua asturiana, en cinco visites dende’l día 18 de mayu nel Muséu de la Historia Urbana, actividá pa la que ye necesario apuntase aparte nel teléfonu 985 565 512 o nel corréu electrónicu museodeaviles@ayto-aviles.es

El programa de visites guiaes n’asturianu pa esti añu ye’l que vien darréu:

  • Vienres 18 de mayu

– 19 hores. Muséu de la Historia Urbana d’Avilés (Cai La Ferrería, 35). P’apuntase:  985 565 512 y museodeaviles@ayto-aviles.es

  • Vienres 1 de xunu

– 19 hores. Parque de La Madalena. Puntu d’alcuentru: entrada al parque xunto al CEIP Enrique Alonso.

  • Vienres 6 de xunetu

– 19 hores. Barriu de Sabugo, parque d’El Muelle y Paséu de la Ría. Puntu d’alcuentru: plaza del Carbayo, delantre la ilesia de Sabugo.

  • Vienres 6 d’agostu

– 19 hores. Parque de Ferrera. Puntu d’alcuentru: Edificio de La Noria, dientro’l parque.

  • Vienres 7 de setiembre

– 19 hores. Cascu Históricu. Puntu d’alcuentru: plaza España, delantre la Casa Conceyu.

Más o menos cada visita dura una hora y media y hai 25 places. Les actividaes son de baldre y recomiéndase llevar calzáu cómodu. P’apuntase hai que llamar al teléfonu 985 545 508 o mandar un corréu electrónicu a estayallingua@ayto-aviles.es

Nos dos años anteriores l’actividá atraxo a visitantes d’otros conceyos d’Asturies, a los que-yos prestó muncho descubrir d’una manera diferente una ciudá milenaria con una historia mui marcada al traviés de la evolución de la so traza urbana. 

Esti ciclu de visites xurdió del ésitu de les que se ficieren en 2014 pel parque Ferrera y en 2016 al Muséu de la Historia Urbana nel Día Internacional de los Museos, esta ye una cita que se caltién como puntu d’aniciu del ciclu. 

Tags:

  • Conseyu de redacción de Conocer Asturies. redaccion@conocerasturies.es

Artículos rellacionaos

Convocáu’l Tercer concursu de microrrellatos improvisaos n’asturianu pa la xente mozo “Entaína a escribir”

La Dirección Xeneral de Planificación Llingüística y Normalización y l’Institutu Asturianu de la Mocedá ...

Los Reis Magos van aportar a Xixón en camellu

Pela mañana, el Príncipe Aliatar y Les Sos Maxestaes van aportar a la plaza’l ...

El Muséu del Pueblu d’Asturies acueye’l Día de la Reciella

El domingu 1 d’ochobre va cellebrase’l nel Muséu del Pueblu d’Asturies el quintu Día ...