CaleyAvilés va amosar los secretos del Parque Ferrera nuna visita guiada n’asturianu

Ye la tercer edición d’esti ciclu qu’entama la Estaya de la Llingua
El ciclu termina en setiembre con una visita pel cascu históricu

Güei, vienres 3 d’agostu, Caleyavilés va ufrir una visita guiada n’asturianu pel emblemáticu Parque Ferrera. El percorríu entamará a les 19:00 hores nel Edificiu de La Noria. L’actividá ye de baldre apuntándose primero, llamando al teléfolu 985 545 508 o mandando un corréu electrónicu a estayallingua@aviles.es

Sigue asina la tercer edición del ciclu Caleyavilés, entamáu pola Estaya de la Llingua del Conceyu d’avilés, que nos dexa conocer los secretos de dalgunos de los sitios más importantes de la ciudá. 

La d’esti vienres sedrá la cuarta de les cinco visites que se faen andando programaes pal ciclu d’esti añu y qu’entamron el vienres 18 de mayu, coincidiendo col Día Internacional de los Museos. Nel mes de xunu la visita foi pel parque de La Madalena y en xunetu pel barriu de Sabugo, parque del Muelle y paséu de la Ría. L’asistencia a estes actividaes creció respecto a la edición anterior, muestra del aumentu de la popularidá d’esta iniciativa. 

El programa de visites guiaes n’asturianu pa esti añu ye’l que vien darréu:

  • Vienres 3 d’agostu. 19 hores. Parque Ferrera. Puntu d’alcuentru: Edificiu de La Noria, dientro’l parque.
  • Vienres 7 de setiembre. 19 hores. Cascu Históricu. Puntu d’alcuentru: plaza de España, delantre  la Casa Conceyu

Cada visita vien a durar una hora y media, pa 25 palces. les actividaes son de baldre y recomiéndase llevar zapatos cómodos. P’apuntase hai que llamar al 985 545 508 o mandar un corréu electrónicu a estayallingua@aviles.es

Nos dos años anteriores l’actividá atraxo visitantes d’otros Conceyos d’Asturies, a los y les que-yos prestó muncho ver la ciudá milenaria d’una manera diferente, ciudá que tien una historia mui marcada dende la evolución de la so trazáu urbanu.  

Esti ciclu de visites xurdió del ésitu de les que se ficieron en 2015 pel parque Ferrera y en 2016 al Muséu de la Historia Urbana nel Día Internacional de los Museos, cita esta que se caltuvo como entamu del ciclu.

  • Conseyu de redacción de Conocer Asturies. redaccion@conocerasturies.es

Artículos rellacionaos

Presentose’l diccionariu Etimolóxicu de la Llingua Asturiana (DELLA)

Esti xueves, 15 de marzu, tuvo llugar la presentación del Diccionariu Etimolóxicu de la ...

La plataforma PlayPresta participa nos actos del Festival Metrópoli 2018 en Xixón

La plataforma de youtubers n’asturianu PlayPresta va tar presente nos actos del Festival Metrópoli ...

A Conseyeiría d’Educación y Cultura presenta na Caridá el octavo númaro da revista Trabatel

A publicación nacéu como un escaparate prá creación lliteraria actual en gallego-asturiano Trabatel. Revista ...

Pablo Rodríguez Medina gana’l Concuru de Cuentos pola Oficialidá de Bimenes

Pablo Rodríguez Medina (L’Entregu, 1978) foi’l ganador del Concursu de Cuentos pola Oficialidá del ...