Celébrase la entrega de premios del Concursu de Cuentos pola Oficialidá

El sábadu que vien, 1 d’avientu, el Conceyu Bimenes va facer entrega de los premios del XXI Concursu de Cuentos pola Oficialidá del Asturianu. L’actu va tener llugar nel Muséu Casa de les Radios, allugáu en Suares, a les siete la tarde.

Nel trescursu del mesmu’l ganador del certame, Héctor Pérez Iglesias (Arlós, Llanera, 1978) lleerá la so obra, “Que trata de lo que me cuntó’l mio mayestru al dexar l’abadía”, que llevó’l 1er premiu, 600 euros. El 2u premiu, dotáu con 450 euros, foi pal cuentu “Enkidu y la eternidá”, de Rubén Magadán Cosío (La Collá, Siero, 1985), y Armando Gutiérrez Rodríguez (Ciñera, La Pola Gordón, 1965) algamó’l 3er premiu, 300 euros, con “Nun requexu”.

Nesta edición el xuráu tuvo formáu polos escritores Xulio Vixil Castañón, Francisco Álvarez González y Pablo Rodríguez Medina. L’actu completaráse cola actuación del monologuista Carlos Alba, que col so personaxe Cellero va representar un monólogu que ta d’estrena: “La talla 38 o fuera los grilletes de les fañagüetes”.

Tags:

Artículos rellacionaos

El Muséu de la Gaita, peslláu por obres

La Casa de los González de la Vega, qu’alluga’l Muséu de la Gaita de ...

Berta Piñán gana’l Premiu María Josefa Canellada de Lliteratura Infantil y Xuvenil

La escritora Berta Piñán resultó ganadora de la décima edición del Premiu María Josefa ...

Xixón anuévase como destín gastronómicu

Xixón Turismu presenta l’actualización de los sos productos gastronómicos Gijón Gourmet y Ruta de ...

Xuan Nel Expósito espubliza’l primer manual pa deprender a tocar la curdión diatónica

La obra compónse d’exercicios, y casi cuarenta partitures de pieces tradicionales asturianes xunto con ...