Conocer Asturies con… Anabel Santiago

  • ANABEL SANTIAGO entamó mui moza y consiguió cuasique tolos premios que se podíen ganar. Güei ye una de les voces más reconocibles de la música asturiana y fai un inmensu y orixinal llabor por anovar la música asturiana.

    Un llugar pa perdese… cualesquier pueblín de la costa cantábrica, tán enllenos d’encantu.

    Un llugar pa vivir… Xixón, porque tien les ventayes d’una ciudá, pero hai zones verdes y mar pa esparder. Amás la xente ye folixero y cercano.

    Un platu… llenteyes con chorizu pal iviernu, y ensalaes con quesos asturianos pal branu.

    Un postre… frixuelos rellenos de dulce de lleche, soi mui llambiona.

    Una sablera pa pasar el día… una que tenga chiringu con música en directo, por exemplu el Murallón de Tapia.

    Un pueblín que nun podemos dexar de ver… Espinaréu, en Piloña. Les cases, lo cuidao que tienen los horros, les flores, los xardinos, paez de cuentu, y caltién l’encantu del pasáu.

    Un chigre pa tomar unos culinos… Préstame muncho La Pola Siero, los chigres de la Plaza les Campes son los más afayadizos.

    Un parque natural pa visitar… Los Picos d’Europa, qu’amás tengo una canción dedicada a ellos. Ye un llugar apasionante.

    Una fiesta a la que nun faltar… La Vaqueirada n’Aristébanu. Ye un bien cultural asturianu que nun se pue perder.

    Un muséu pa recomendar… El pozu Sotón, que ye como un muséu mineru, y tener la oportunida de baxar a conocer una mina per dientro, paezme dalgo impactante.

    Un momentu de la hestoria… La Revolución d’ochobre del 34 n’Asturies, la llucha minera y obrera, esi momentu marcó’l calter llibertariu del pueblu asturianu.

    Un baille pa pasalo bien… Un tangu, o un son d’arriba.

    Una pallabra n’asturianu que te preste… Ixuxú. Gritu d’allegría col que finen los cantares. Ye cuasi un glayíu de guerra (rises)

    Una tradición que nun pue perdese… Echar un cantarín nun chigre ensin que te manden callar o t’echen. Val realmente pa tolos ámbitos y como metáfora.

    • Conseyu de redacción de Conocer Asturies. redaccion@conocerasturies.es