Regates a remu: Demientres les fiestes llocales de branu, entámense carreres de botes populares en dellos puertos del occidente asturianu. Nos años sesenta y setenta del sieglu pasáu destacaron pola participación alta y pola cantidá de xente qu’acudía, sobremanera a les que se celebraben nel Festival del Mar de Tapia.

N’asturies hasta nun va muncho, les tripulaciones que participaben nes regates tradicionales d’embarcaciones a remu yeren masculines dafechu, con dalguna escepción como les de botes tripulaos por mozuques braniantes con timoneles homes, celebraes en Lluanco en 1915.

Xuegu de la llave: L’orixe del xuegu de la llave n’Asturies ta venceyáu a la llegada del ferrocarril a mediaos del sieglu XIX, cuando los trabayadores ferroviarios usaben la llave de víes d’una forma lúdica. Medró muncho ente 1950 y 1965 , cuando se practicaba nos patios de chigres, sidreríes y merenderos del centru d’Asturies.

Tiru cuerda: El tiru cuerda ye un xuegu popular de fuercia mui practicáu ente los paises atlánticos. Nél compiten dos equipos puestos en filera ún enfrente del otru. Foi deporte olímpicu ente 1900 y 1920.

Tiru al palu: Dos participantes siéntanse unu en frente del otru colos pies sofitaos nuna tabla. Garrándose dempués a un palu, van tratar de llevantar al so oponente o fai-y soltar el palu. Ye al meyor de trés tiraes y escuéyese campu, esto ye, de mano, unu cueye’l palu coles manos pegaes pela parte interior del palu, y na siguiente tirada, tocará-y pela parte esterior. En casu d’empate, llánzase una moneda y escuéyese la forma d’agarre.

Tags:

Artículos rellacionaos

Lleguen les ánimes pel occidente

La seronda n’Asturies ye tiempu de vivos y bien vivos, pero sobremanera na parte ...

Güei preséntase la “Obra manuscrita” del escritor xixonés Pachín de Melás

Güei, miércoles  20 d’avientu, a les 19:30 hores nel Centru de Cultura Antiguu Institutu, ...

Esti xueves presentación del atles ETLEN nel edificiu históricu de la Universidá d’Uviéu

L’atles ETLEN estudia la frontera ente los dominios llingüísticos gallegoportugués y asturlleonés, na faza ...

Valdesoto celebra’l domingu de Sidros y Comedies

El Domingu de Sidros y Comedies celébrase’l primer domingu dempués de la festividá de ...

La planta elíptica más grande del mundu

Anque ta desacralizada, la ilesia de La Llaboral tien una superficie de 807 m², ...