Cuatro continentes nel VIII Salón Internacional de les Sidres de Gala

Un añu más torna una de les cumes más importantes de les sidres de copa a nivel mundial. Los díes 29 y 30 de setiembre y 1 d’ochobre vinientes, 15 países de cuatro continentes van afayase nel VII Salón Internacional de les Sidres de Gala –SISGA 2017–, un alcuentru nel que ellaboradores de proyeición másima amuesen y ufierten los sos productos más destacaos ya anovadores nun congresu enllenu d’actividaes pa productores y pal públicu en xeneral.

La Preba Abierta al públicu sedrá’l sábadu 30 de setiembre na Colexata de San Xuan Bautista en Xixón de 12:00 a 21:00 hores. Tolos ellaboradores tendrán estands separtaos nos que van amosar y darán a prebar los sos productos.

Demientres los tres díes del VII SISGA la Fundación Asturies XXI entamará un programa completu d’actividaes pa puxar y afondar nesta bébora, los detalles de cada una d’elles daránse a conocer na presentación mentada enantes.

El SISGA ye un eventu que busca la rentabilidá, el conocimiento y la difusión real de los tipos nuevos de sidra; non un escaparate simple o amuesa de percorríu curtiu. Poro esti congresu convirtióse nun ágora na que converxe una profusión auténtica de profesionales y de conocimientos sobre esta bébora, que cada añu algama estándares altos de calidá, y que ta a l’altor de toles propuestes gastronómiques.

Tags:

Artículos rellacionaos

Cimavilla, el Xixón de los playos

Dicen los playos que l’auténticu espíritu xixonés ta nel barriu Cimavilla y que tolo ...

XXXVIII Certame del Quesu Gamonéu en Benia d’Onís

Benia (Onís) acueye la XXXVIII edición del Certame del Quesu Gamonéu. El Gamonéu ye ...

Xixón de Sidra 2017

Llega la 9ª edición de “Xixón de Sidra 2017”, na que participen 45 sidreríes ...

Xornaes de les Setes en Villaviciosa, Nava, Colunga Cabranes y Sariegu

15 establecimientos hosteleros y dos tiendes d’alimentación de los conceyos de Cabranes, Colunga, Nava, ...

La segunda edición de GijónSeCome vuelve n’avientu con 72 hores d’espectáculu

Ta tou preparáu entamar de la II edición de GijónSeCome, el festival gastronómicu sostenible ...