El Cirque du Soleil va tar en Xixón nel branu de 2019 col espectáculu Kooza

Kooza va abrir les sos puertes el 1 d’agostu de 2019 

  • Una descarga d’adrenalina con acrobacies baxo la so carauterística carpa azul y mariella
  • Van diez años dende que Cirque du Soleil nun afitaba la so carpa en Xixón
  • Entraes a la venta a partir del 3 d’avientu.

El Cirque du Soleil va tornar a Xixón cola so carpa azul y mariella carauterística (Grand Chapiteau) pa presentar la so produición espectacular, Kooza, un homenaxe ablucante y coloríu a la tradición del circu que se va estrenar el 1 d’agostu y va representaser per un tiempu llendáu nel Cai de la Osa, nel Puertu d’El Musel.

El Cirque du Soleil nun afitara la so carpa en Xixón dende l’estrenu de Varekai en 2009. Enantes, visitaron la ciudá otres dos producciones baxo la carpa: Saltimbanco (2004) y Alegria (2007). Les entraes pueden mercase en llinia yá en www.cirquedusoleil.com/kooza

Sobre KOOZA

Cirque du Soleil amuesa de nueves el so orixe tornando a la parte humana más íntima y esencial del circu. KOOZA combina acrobacies emocionantes col arte de los payasos. Siguimos al Inocente nel so camín hacia l’autodescubrimientu al traviés d’un reinu cómicu de personaxes escéntricos, emociones lletrizantes y sorpreses pocu convencionales.

Por aciu d’un españíu de colores, KOOZA ábrese como una caxa enxoyada de xuguetes prindando la imaxinación del espectador y acelerándo-y el pulsu. El rendimientu humanu n’estáu puru remanez equí rescamplante y fráxil.

Un elencu internacional de 50 acróbates, músicos, cantantes y actores úfrenmos emocionantes peripecies y payasaes pa españar de risa, acompañaos d’una banda sonora en directo que fusiona jazz, funk y ritmos de Bollywood.

«KOOZA ye un espectáculu que combina a la perfeición los soníos socontinentales, el so allumáu ablucante y el so vestuariu con una inxenuidá teatral y maraviyes acrobátiques». The Independent, Londres

«… un espectáculu emocionante enllenu de momentos con acrobacies cargaos de tensión». Los Angeles Times

«KOOZA ye una torna a los oríxenes, nél atopamos los habituales y elásticos contorsionistes, atrevíos equilibristes y otros temerarios que desafíen a la gravedá. Pero lo que diferencia a esta produición nueva ye qu’equí Cirque du Soleil añade dalgún caos cuidadosamente coreografiáu y un toque de les antigües barraques… colo que realmente s’esfruta ye colos payasos, son realmente risonderos». The New York Times

«… paróme’l corazón, contuvi l’aliendu y hasta un glayíu afogáu». The Daily Mail, Reino Unido

Pa más información, visite www.cirquedusoleil.com

Sobre’l Cirque du Soleil

Ñacíu en 1984 con un grupu de 20 artistes caleyeros, Cirque du Soleil ye una organización importante de Quebec qu’ufre espardimientu artísticu d’alta calidá. La compañía tien al so cargu cerca de 4000 empleagos, incluyendo 1400 artistes de más de 50 países distintos.

El Cirque du Soleil tien maraviyao a más de 190 millones d’espectadores en más de 450 ciudaes de unos 60 países de 6 continentes.

Tags:

Artículos rellacionaos

Xixón, finalista de los Premios Travelguau como meyor destín dogfriendly

Xixón foi seleicionáu pola campaña ‘Xixón, yes mi can’ y pola so ufierta bayurosa ...

Xixón, en Madrid Fusión

Xixón torna a Madrid Fusión con un estand propiu. La feria más importante de ...

Domingu’l Gordu en Rozaes (Villaviciosa)

El domingu 11 de febreru celebróse na parroquia de Rozaes (Villaviciosa) el Domingu’l Gordu, ...

TPA estrena’l programa Mundu Sidreru, dedicáu a la bebida más asturiana

La televisión pública asturiana va estrenar esti domingu un nuevu programa dedicáu a la ...

Berta Piñán gana’l 38 Premiu Xosefa Xovellanos de novela n’asturianu

Berta Piñán ha ganado el Premio Xosefa Xovellanos de novela en asturiano, que concede ...