El Día d’Asturies programa en Casu una fin de selmana festiva cola cultura popular y el deporte tradicional como protagonistes

– Destaquen los conciertos d’Anabel Santiago, Rodrigo Cuevas, Petit Pop, l’Amuesa de Folclore, el teatru na cai y los talleres de llabores tradicionales

– El conceyu va abrir los sos equipamientos museísticos con accesu gratuitu y visites guiaes mientres dure la celebración

La cultura popular asturiana y el deporte tradicional van ser un añu más los grandes protagonistes del Día d’Asturies, qu’esta fin de selmana va tener a Casu como centru neurálxicu de la celebración.

Como vien siendo habitual nos últimos años, la fin de selmana festiva va abrise’l vienres con un conciertu de relevancia. Nesta edición, Anabel Santiago va ser la encargada d’empecipiar la fiesta na Plaza del Conceyu. Rodrigo Cuevas el sábadu, y Petit Pop el domingu completen les actuaciones más populares del Día d’Asturies.

El Coru Mineru de Turón, Luis Núñez y los Folganzanes y los conciertos de tonada de l’Asociación de Intérpretes de Canción Asturiana (AICA) y l’Asociación de la Canción y el Folklore Valle del Nalón, completen la ufierta musical del programa. L’amuesa de folclore va cuntar cola actuación del Grupu Folclóricu Blimea y la Banda de Gaites Garulla, qu’amás van animar Casu con pasacalles mientres los dos díes.

El sábadu va haber teatru de cai itinerante col montaxe de Carlos Alba Cellero, Llázaro de Tormes, premiu Nel Amaro 2018, y cine nel Centru d’Interpretación del Parque Natural de Redes, cola programación de Cien díes de soledá. Va tar presente’l so director, José Díaz.

El Mercáu tradicional y la Feria de productos asturianos van tar allugaos na Plaza del Conceyu y na Plaza del Mercáu. El sábadu programóse una masterclass d’escanciáu de sidra y una exhibición de campeones. Na pumarada de la Torre va tar asitiada l’Amuesa y talleres de llabores tradicionales.

Deporte y museos

Los deportes tradicionales parten les sos convocatories ente la Plaza del Conceyu y la Pumarada de la Torre. Los eventos van tar protagonizaos pol Club Deporte Rural Quimarán, Equipo Monte Areo, y el Grupu de Deporte Rural 6 conceyos.

Casu va abrir al públicu mientres los dos díes, de baldre y con visites empuestes con places llindaes, la Ilesia de Tañes, el Muséu de l’Apicultura (Tañes), el Muséu de la Madera (Veneros) y el Centru d’Interpretación del Parque Natural de Redes (El Campu).

Artículos rellacionaos

El Parres más indianu

Lo que nel pasáu foi una realidá que marcó la vida de munchos asturianos ...

Bailles d’Asturies: El cariáu

Baille de corru estendíu per gran parte del occidente d’Asturies, en conceyos tan distantes ...

Xuan Nel Expósito espubliza’l primer manual pa deprender a tocar la curdión diatónica

La obra compónse d’exercicios, y casi cuarenta partitures de pieces tradicionales asturianes xunto con ...

Nueves visites guiaes a la esposición “Voces. La llingua al traviés de los sieglos”

Más de 4.000 persones visitaron yá la esposición Voces. La llingua n’Asturies al traviés de ...

3 rutes pela costa asturiana pa nun quedar atrapáu na nieve.

Sienda costera del Cabu Peñes La villa de Lluanco ye’l llugar escoyíu pa entamar ...

Un añu enllenu d’aniversarios hestóricos p’Asturies

2018 ye un añu especial pa Cuadonga (Cangues d’Onís). Conmemórense los centenarios de trés ...