El globu de Xixón, ganador del “Villa de Aranjuez” 2018

El globu va llevar la marca de Xixón hasta la fin de 2020, según un alcuerdu ente Divertia Xixón y Volar en Asturias.  

Esti fin de selmana celebróse’l campeonatu de globos “Villa de Aranjuez” 2018. Dende’l vienres pela mañana hasta’l domingu realizaronse 4 vuelos de competición nos que participó’l globu de Xixón. Depués d’estes pruebes, el globu de Xixón, pilotáu por Jorge Iglesias, foi’l ganador del campeonatu.

Según un alcuerdu robláu ente Divertia Gijón y Volar en Asturias, el globu va llevar la imaxe de Xixón de xineru de 2018 a avientu de 2020 a dellos festivales y competiciones n’España y nel estranxeru. El patrociniu esixe, como mínimu, la presencia del globu en seis festivales o competiciones al añu, ente los que han d’incluyise’l Campeonatu d’España d’Aerostación y la Copa del Rei d’Aerostación.

Va dos selmanes realizóse la primer regata de globos de Vitoria, na que tamién resultó ganador Jorge Iglesias Cabal a bordu del globu que representa a la nuesa ciudá.

Otres regates nes que participó’l globu esti añu:

  • Regata de Xixón – Organizador
  • Pamplona, San Fermines – Vuelo exhibición
  • Regata de Segovia – Ganador
  • Campeonatu d’España en Haro – 6ª posición
  • Estella – Vuelo Exhibición
  • Regata de Vitoria – Ganador
  • Campeonatu d’Aranjuez – Ganador

Tags:

Artículos rellacionaos

Última selmana de matrícula pal cursu de branu “Xestión cultural n’Asturies”

Esti mes d’agostu y dientro del programa de la Univerasidá Asturiana de Branu (UABRA), ...

La Banda Gaites La Madreña de Llanera participa nos actos de la Hispanidá de Nueva York

Celtiberian Heritage Society invita a esta formación a desfilar na Quinta Avenida, a dar ...

Bimenes convoca’l XVIII Concursu de Gaita

El Conceyu Bimenes ta acabante de convocar una nueva edición del so concursu de ...

La plataforma PlayPresta participa nos actos del Festival Metrópoli 2018 en Xixón

La plataforma de youtubers n’asturianu PlayPresta va tar presente nos actos del Festival Metrópoli ...

Un rally de 1.000 kilómetros ente Sevilla y Xixón

Sevilla – Xixón en moto, mil kilómetros d’aventura en tres etapes: gastronomía, contrastes de ...