El mayor robu de la hestoria d’Asturies

Na madrugada del 10 d’agostu de 1977, un mozu foi autor d’un robu na Cámara Santa de la Catedral d’Uviéu, nel que resultaron gravemente dañaos les ayalgues que nella se guarden. Nel actu, el lladrón apoderóse de la Cruz de los Ánxeles, la Cruz de la Victoria y la Caxa de les Ágates.

Estes ayalgues foron desguazaes nel mesmu llugar, llevándo consigo les piedres, ágates, camafeos y oru. L’alma de madera de la Cruz de la Victoria y la Caxa de les Ágates (totalmente desprovista de les sos xoyes) quedaron ellí abandonaes nun estáu llaceriante.

El sucesu conmocionó a la opinión pública, dada la importancia hestórica de les ayalgues. Les autoridades eclesiástiques y civiles, tornando les sos responsabilidaes, refugaron los sos errores cometíos na so custodia. A la selmana siguiente una manifestación qu’axunta a unes 3.000 persones percuerre les cais d’Uviéu. L’azar, por embargu, muéstrase relativamente propiciu, y el 19 d’agostu ye deteníu un individuu al travesar la llende con Portugal. 

Al intentar fuxir, abandona una bolsa n’onde s’alcuentra parte de les piedres robaes y una buena cantidá d’oru. Dempués aparecerien otres dos bolses, una d’elles abandonada nun escombrera xixonesa, n’onde s’alcuentra parte del material sustrayío. El total de lo recuperao supuso el 59% de la Caxa de les Ágates, el 85% del reversu y el 70% de l’anversu  de la Cruz de los Ánxeles, y el 80% del anversu y el 45% del reservu de la Cruz de la Victoria. El Camaféu de la Caxa de les Ágates nun se recuperó. Procedióse entós al nomamientu d’una comisión pa la restauración de les ayalgues, qu’alcordó qu’esta se llevara a cabu en tierres asturianes. Los trabayos progresaron mui lento, entamando de fechu cuasi dos años dempués del robu. L’autor del mesmu José Domínguez Saavedra, de veintiún años, natural de Pontevedra aseguró qu’entró na Catedral pa robar los cepillos y la caxa fuerte, y que casualmente s’alcontró coles ayalgues. 

Nel xuiciu lleváu a cabu pola so aición, foi condergáu a 18 años (dempués de 10 de revisión) pol robu de les xoyes.

Artículos rellacionaos

Danzamos el pericote

El Pericote ye una danza tradicional que realicen nel conceyu de Llanes persones de ...

El Molinón ye l’estadiu de fútbol más vieyu d’España

Nun se sabe la fecha esacta de la so construcción ya inauguración, pero hai ...

5 tradiciones navidiegues d’Asturies que van sorprendete

La Navidá o Nadal tien n’Asturies delles tradiciones especiales que se tán recuperando nos ...

La planta elíptica más grande del mundu

Anque ta desacralizada, la ilesia de La Llaboral tien una superficie de 807 m², ...

La Ponte Romana de Cangues d’Onís nun ye romana.

¿Quién nun conoz la Ponte Romana de Cangues d’Onís? Ye unu de los llugares ...