El cantante norteamericanu va pisar l’escenariu del Palaciu de Deportes el 28 d’abril de 2019

Bob Dylan, una de les grandes figures de la música, va visitar Xixón el 28 d’abril pa ufrir un conciertu nel Palaciu de Deportes de La Guía. El músicu y compositor va parar na ciudá asturiana, pela tercer vegada na so bayurosa carrera, nel marcu de la so xira “Neverending Tour”. Les entraes van salir a la venta’l 28 d’avientu a les 11:00 hores y van tener un preciu ente 55 y 120 euros. Va ser ún de los ocho conciertos qu’ufra’l norteamericanu n’España en 2019 y el terceru que va ufrir en Xixón después de les sos visites en xunetu de 1993 (Plaza d’El Bibio) y n’abril de 1999 (Teatru Xovellanos). El conciertu del 28 d’abril en Xixón xurde del alcuerdu de la empresa municipal Divertia Xixón y la promotora Mestizo Producciones.

Esti conciertu súmase a la montonera de propuestes musicales yá confirmaes na ciudá nel añu prósimu, ente les que destaquen dellos festivales: Indoor Gijón, Gijón Sound Festival, Gijón MotoWeekend, Metrópoli, Gijón Life, La Terraza del Botánico, la Selmana Grande, Jazz Gijón o el Festival de Gospel.

Bob Dylan torna a Asturies. Sol aura d’un espectáculu íntimu ya irrepetible que se somorguia nel cancioneru tradicional estaoxunidense, el músicu que fixo hestoria ganando’l premiu Nobel de Lliteratura torna a Xixón con ocho feches nes que vas poder esfrutar d’un Dylan enxamás vistu.

Estos conciertos encuádrense dientro de la so xira interminable, nomada Neverending Tour, qu’arrancó en 1988 y de magar nun se para. Con cerca de 100 actuaciones al añu, Dylan vive per y pa la carretera, variando les sos actuaciones según les sos inquietúes artístiques. Nel cuartu de sieglu caberu, les sos muses ñacieron de rastrexar la memoria musical norteamericana. Blues llamorgosu, blues llétricu de Chicago, folk, tex-mex, murder ballads, swing… son dalgunos de los xéneros que tien amestaos y que dan forma a la so voz de llixa tou esti tiempu. Pero agora Dylan ta encegoláu col conocíu como Great American Songbook (Gran Cancioneru Norteamericanu).

Esti cancioneru tradicional norteamericanu bucea nel jazz y el rhythm and blues clásicos, previos a l’espoxigue del rock and roll, al que Dylan dio tanto dándo-y inteleutu ya impautu social. Conocíos como american standards, les composiciones d’esti bayurosu catálogo en blanco y prieto foron cantaes nos años 30 y 40 del sieglu pasáu por artistes lleendarios como Frank SinatraLouis ArmstrongBing CrosbyBillie HolidayGlen MillerSarah VaughanJudy Garland Dinah Washington.

Los conciertos de Dylan que van poder esfrutase en 2019 suponen una reivindicación señardosa d’un tiempu fuxíu, que coincide col de la so infancia, seique col de les sos señardaes non vivíes. Con más de mediu sieglu d’actividá artística y cola so carauterística forma de combatir el so mitu curiando namái de les sos pasiones y encegoleres personales, Dylan ye entá un iconu cultural estraordinariu. Con un repertoriu que camudó a lo llargo del tiempu, Dylan va percorrer la so estensa discografía ensin escaecer dalgunos de los sos grandes ésitos, consideraos yá himnos ya patrimoniu de la cultura hestórica musical.

Les entraes salen a la venta el 28 d’avientu a partir de les 11am n’esclusiva en www.riffmusic.es

Tags:

Artículos rellacionaos

Fito & Fitipaldis va actuar en Xixón en marzu

En 2018, Fito & Fitipaldis, unu de los grupos de rock and roll más ...

La Casa Azul y Rozalén, nuevos nomes pal Gijón Sound 2019

La Casa Azul, Morgan, Rozalén, Dorian Wood, Jacco Gardner’s Somnium, Jungle By Nigth, Los ...

La xira d’Operación Triunfo, esti branu en Xixón

Los 16 concursantes de la última edición de OT van ufiertar el so espectáculu’l ...

WarCry apuerta a Avilés col meyor heavy en versión sinfónica

La música convirtióse, por drechu propiu, nuna de les señes d’identidá d’Avilés, una ciudá ...