Encomencipia’l programa de “Sona La Puela” n’Ayande con un conciertu del grupu asturianu-ḷḷazaniegu D’Urria

El sábadu 28 d’abril del 2018 vei celebrase’l primer conciertu del proxectu de música en directo organizáu pola asociación Eixe Cultural Ayandés polos locales hosteleiros de La Puela. El grupu encargáu d’abrir el programa que vei extendese a lo ḷḷargo de todu l’añu yá D’Urria ya será a las 20:00 no Café Centro. La entrada yá gratuita.

D’Urria yá un grupu folk formáu pol ḷḷazaniegu José Sabugo (miembru tamién de Piértigu, Los Musios ou el saparecíu Tsuniegu), a l’acurdión, ya l’asturianu Moisés Suárez (miembru tamién de grupu famosu Felpeyu), al buzuki. El sou primer discu (“En Ca Pla”) estrenóuse en marzu del 2018 ya tien un repertoriu basáu en temas tradicionales de Ḷḷaciana ya los territorios vecinos, poemas d’autores locales ya outros d’elaboración propia. No conciertu del día 28, el primeiru que fan n’Asturias, van presentar el discu En Ca Pla ya van tener la colaboración de la vigulinera Celia Llamera.

Sona La Puela yá una iniciativa promovida pola asociación Eixe Cultural Ayandés cola colaboración de la hostelería local. El sou fin yá desenvolver una serie de conciertos a lo ḷḷargo del añu nos distintos locales ya fomentar la música en directo fuera del calandariu de fiestas habitual.

Tags:

  • Conseyu de redacción de Conocer Asturies. redaccion@conocerasturies.es

Artículos rellacionaos

Taburete, cabeza de cartelu de Metrópoli Winter

El festival Metrópoli va tener una edición urbana mientres estes Navidaes en distintos espacios ...

Conciertu de Dani Martín en xunetu de 2018 en Xixón

Dani Martín va llegar a Xixón cola xira Grandes Éxitos y Pequeños Desastres, un percorríu ...

La xira d’Operación Triunfo, esti branu en Xixón

Los 16 concursantes de la última edición de OT van ufiertar el so espectáculu’l ...

Fito & Fitipaldis va actuar en Xixón en marzu

En 2018, Fito & Fitipaldis, unu de los grupos de rock and roll más ...

Sergio Dalma va actuar el prósimu 21 d’abril nel Teatro de la Laboral

Sergio Dalma va actuar el prósimu 21 d’abril, a les 21:00 hores, nel Teatro ...