Entama’l II Premiu y Festival Nel Amaro de Teatru Profesional en llingua asturiana o gallego-asturianu

El Teatru Filarmónica d’Uviéu va acoyer los vienres 2, 9, 16 y 23 del mes de payares, a les ocho la tarde, les representaciones de les obres finalistes que van optar al II Premiu de Teatru Profesional Nel Amaro en llingua asturiana o gallego-asturianu. Nesti festival va tar presente’l xuráu, formáu por especialistes en teatru y llingua asturiana, que va decidir la obra ganadora yá estrenada n’asturianu o gallego-asturianu, y que podía ser tanto orixinal como versión o adaptación de títulos n’otres llingües.

Depués d’una primer selección realizada nel mes d’ochobre, les cuatro compañíes finalistes que van participar nesti II Festival Nel Amaro son:

Producciones Nun Tris, col espectáculu Aire;
Higiénico Papel Teatro, col espectáculu Hansel y Gretel;
Escenapache, col espectáculu Garráime, que lu mato o la lloca hestoria d’Asturies; y
Zig Zag Danza, col espectáculu Disculpe, caballeru.

La entrega del gallardón va facese nuna ceremonia onde va compartir protagonismu con quien ganaren los premios lliterarios en llingua asturiana nes categoríes de cómic, ensayu, lliteratura infantil y xuvenil, novela y poesía que convoca tamién el Gobiernu d’Asturies.

Artículos rellacionaos

El Premiu Nobel Bob Dylan va tocar en Xixón el viniente 28 d’abril

El cantante norteamericanu va pisar l’escenariu del Palaciu de Deportes el 28 d’abril de ...

4 compañíes asturianes pa conocer el panorama del teatru n’asturianu

Asturies tien una montonera compañíes de teatru qu’usen l’asturianu nes sos representaciones. Dende’l teatru ...

“Muyeres Insesperaes” estrénase’l xueves 14 nel Teatru Xovellanos

“MUYERES INESPERAES” ye  la obra teatral de Dolfo Camilo Díaz que s’estrena nel Teatru ...