Esti llunes ábrese la matrícula de la Prueba de Conocencia de l’Academia de la Llingua Asturiana

L’Academia de la Llingua Asturiana, sabiendo’l fondu interés de munches persones por llograr que se reconoza la so conocencia de la llingua y manifestar asina’l so fondu amor al idioma asturianu, fadrá dos convocatories añales onde podrán evaluase diches conocencies. Nesi sen, da anuncia de les sos iniciatives pa conocimientu xeneral:

    1. Nos meses de xineru y mayu celébrense les pruebes, abiertes a toles persones interesaes.
    2. Unos quince díes enantes de les pruebes ábrese un plazu de matrícula.
    3. A les persones declaraes aptes nes pruebes citaes, l’Academia dará-yos un documentu onde s’afite la conocencia nel nivel 1 o básicu según calces siguíos por esta Institución.
    4. Les persones que nun superen les pruebes del nivel 1 podrán presentase a nueves convocatories toles vegaes que-yos pruya.
    5. La prueba tendrá dos partes:

      a) Escrita: dictáu, exercicios gramaticales, comprensión de testu y redacción.

      b) Falada: conversación dirixida sobre temes d’actualidá.

    6. Pal bon resultáu d’estes pruebes habrá tenese un dominiu básicu de les estayes que vienen darréu:

a. ESTAYA LLINGÜÍSTICA

a.1. Teoría gramatical: conocencia media del funcionamientu gramatical del asturianu y de la normativa académica.

a.2. Práutica escrita: emplegu amañosu de la llingua en testos cenciellos de carácter descriptivu, espositivu o argumentativu.

a.3. Prática oral: emplegu afayadizu de la llingua en situaciones conocíes pol falante.

b. ESTAYA DE LLINGUA Y SOCIEDÁ

Conocencia del allugamientu de la llingua dientro de la sociedá asturiana asina como del procesu de normalización nel que ta inxerta.

Nota. Resulta imprescindible conocer les xeneralidaes gramaticales de la llingua asturiana y los aspectos básicos de la so normativa ortográfica (Normes ortográfiques, ALLA, Uviéu, 2012, 7a ed. revisada; Gramática de la Llingua Asturiana, ALLA, Uviéu, 2008, 3a ed., reimpresión).

Asina mesmo, aconséyase la llectura de testos fechos acordies cola normativa, como los asoleyaos por l’Academia.

*En resultes d’esto, el 26 de mayu de 2018 fadráse la prueba semestral. El plazu de matrícula ye del 14 al 24 de mayu.

Tags:

Artículos rellacionaos

Berta Piñán gana’l Premiu María Josefa Canellada de Lliteratura Infantil y Xuvenil

La escritora Berta Piñán resultó ganadora de la décima edición del Premiu María Josefa ...

La plataforma PlayPresta participa nos actos del Festival Metrópoli 2018 en Xixón

La plataforma de youtubers n’asturianu PlayPresta va tar presente nos actos del Festival Metrópoli ...

La prueba cicloturista “Ruta Vía de la Plata Non-Stop” saldrá de Xixón

Xixón – Sevilla en bici per 962 kilómetros de distancia y un desnivel acumuláu ...

La Banda Gaites La Madreña de Llanera participa nos actos de la Hispanidá de Nueva York

Celtiberian Heritage Society invita a esta formación a desfilar na Quinta Avenida, a dar ...

Xixón, en Madrid Fusión

Xixón torna a Madrid Fusión con un estand propiu. La feria más importante de ...