CONOCER ASTURIES CON… FERNANDO PADILLA

Fernando Padilla Palicio ye Director Xeneral de Planificación Llingüística y Normalización. Ñació’l 1 de xineru de 1957 en Tudela Veguín, n’Uviéu. Pedagogu, maestru de primaria, lleva tola vida implicáu na defensa y el trabayu pol idioma dende l’ámbitu de la educación, como maestru, coordinador de l’asignatura na Conseyería o autor de manuales y currículos. Con él conocemos esta selmana más requexos d’Asturies.

Un llugar pa perdese una fin de selmana… El Campu, nel conceyu de Casu.

Un llugar pa vivir… Uviéu.

Un platu… Verdines con mariscu.

Un postre… Casadielles.

Una sablera pa pasar el día… Andrín.

Un pueblín que nun podemos dexar de ver… Os Teixóis.

Un chigre pa tomar unos culinos… Sidrería La Pomar, en La Felguera.

Un parque natural pa visitar… Somiedu.

Una fiesta a la que nun faltar… El Carmen de Naves, n’Uviéu.

Un muséu pa recomendar… Muséu Arqueolóxicu d’Uviéu.

Un momentu de la hestoria que te prestaría vivir… El añu 2060, ye broma. La Ilustración.

Un baille pa pasalo bien… El Xiringüelu.

Una pallabra n’asturianu que te preste… Espoxigar.

Una espresión que te preste… Dame tira.

Una tradición que nun pue perdese… La espicha.

Tags:

Artículos rellacionaos