Güei preséntase la “Obra manuscrita” del escritor xixonés Pachín de Melás

Güei, miércoles  20 d’avientu, a les 19:30 hores nel Centru de Cultura Antiguu Institutu, va tener llugar la presentación de la «Obra Manuscrita» del escritor xixonés Pachín de Melás.

Con esta «Obra manuscrita», quier celebrase’l 140 aniversariu de la nacencia del autor y completar asina la publicación de la obra ensin asoleyar. La obra ta compuesta por un estudiu preliminar de los autores Clara y Ramiro González Delgado y once testos dramáticos.

Emilio Robles Muñiz, el popular Pachín de Melás (Xixón, 1877), autodidacta, trabayó de torneru y ye l’escritor más popular del primer terciu del sieglu XX; tien cultivaos tolos xéneros lliterarios y tamién la zarzuela. Rescampla sobremanera no teatral, siendo consideráu’l padre de la Compañía asturiana de Comedies. Muerre na cárcel d’El Coto’l 6 de marzu de 1938, tres ser deteníu depués de la toma de Xixón poles tropes franquistes.

Tags: