La Comida na Cai d’Avilés cumple 26 ediciones

Ye l’actu central del programa festivu de les fiestes d’El Bollu, con mesa y mantel pa 15.000 comensales

Puedes lleer esti artículu nel númberu 2 de la revista ViaxAst

Avilés ta considerada la ciudá medieval asturiana. Apigura la esencia d’Asturies nel patrimoniu hestóricu del so cascu urbanu, la etnografía de la so redolada rural, les sableres y cantiles, la riqueza gastronómica y l’animación de l’actividá festiva.

Les buelgues del pasáu quedaron impreses en gran parte del cascu antiguu, declaráu Conxuntu Hestóricu Artísticu, con cais soportalaes, ilesies romániques, edificios góticos, palacios renacentistes y barrocos, edificaciones modernistes…

Les Fiestes d’El Bollu, d’interés turísticu nacional, celébrense del 30 de marzu al 2 d’abril. Nacen a finales del XIX, como manifestación de convivencia y participación popular, celebrando la llegada de la primavera. La so denominación provien del componente gastronómicu de la fiesta: un bizcuechu mantecáu y escarcháu en forma de trébole de cuatro fueyes, denomináu Bollu, col que padrinos y madrines agasayen a los sos afiaos.

El Domingu de Pascua percuerre les cais de la ciudá un ampliu Desfile de Carroces engalanaos con motivos festivos, acompañaos de xigantes y cabezudos, bandes de música, de gaites y grupos folclóricos.

El Llunes de Pascua, l’actu central y multitudinario dende 1993 ye la Comida na Cai, una multitudinaria comida al campu nes cais y places del Cascu Hestóricu. Nuna filera continua de meses de 5 kilómetros d’estensión, una media de quince mil persones sentir a compartir conxusta, comida y diversión.

Programa de fiestes
“El Bollu” 2018

Vienres, 30 de marzu

12.30 h. Conciertu de la Nueva Orquesta Sinfónica de Cantabria, dirixida por José Luis Tarreces. Auditoriu de la Casa Municipal de Cultura.

Sábadu, 31 de marzu

12.00 h. Inauguración de la IX Feria d’Alfarería Tradicional Villa d’Avilés (FATVA 2018). Cola participación 14 alfareríes d’una decena de llocalidaes españoles. Plaza de Domingo Álvarez Acebal.

Domingo, 1 d’abril

10.30 h. Repartida del Bollu y el Vinu. Plaza de Domingo Álvarez Acebal.

12.00 h. Pregón de les fiestes y llanzamientu d’un gruesu palenque anunciando’l so entamu. Plaza d’España.

12.30 h. I Desfile de Carroces.

19.15 h. Festival de Cantar Asturianu “El Bollu 2018”. Plaza España.
Van Actuar: Voz: Anabel Santiago, Alicia Villanueva y Celestino Raspiada Tamés. Gaita: Valentín Fonte. Monologuista: Nel del Solu.

20.00 h. XXVII Alcuentru Coral d’Habaneres. Auditoriu Casa Municipal de Cultura.

21.00 h. Bras Rodrigo en conciertu. Plaza España.

Llunes, 2 d’abril

13.00 h. Fabada Pantagruélica. Cañu San Francisco.

14.00 h. XXVI Comida na Cai.

14.00 h. XL Concursu de Fabada. Plaza d’España.

18.00 h. II Desfile de Carroces.

19.00 h. Conciertu Folk con Dobra (col gaiteru Xuacu Amieva) y Eliseo Parra. Plaza d’España.

20.00 h. XXVII Alcuentru Coral d’Habaneres. Auditoriu Casa de Cultura.

Eventos deportivos “El Bollu 2018”
  • Tornéu Ximnasia Rítmica “El Bollu”. 24 de marzu. Complexu Deportivu Avilés.
  • Tornéu Ibaseta de Baloncestu Femenino. 31 de marzu. Complexu Deportivu Avilés.
  • Troféu de Skate “El Bollu”. 31 de marzu. Skatepark Complexu Deportivu La Madalena.
  • Milla Urbana d’Avilés. 1 d’abril. Centru Urbanu d’Avilés.
  • Troféu “El Bollu” de Billar a Trés Bandes. Del 2 al 13 d’abril. Centru Asturianu de L’Habana.
  • Tornéu Primavera Fútbol-8 Prebenxamín. Del 6 al 8 d’abril. Campu de Fútbol-8 d’El Quirinal.
  • Campeonatu d’España de Duatlón. 7 y 8 d’abril. Plaza España, cascu hestóricu y Centru Niemeyer.

www.avilescomarca.info
www.aviles.es

Tags:

Artículos rellacionaos

A Noite Celta de Porcía, úa cita nel occidente d’Asturias

Coincidendo col último sábado d’agosto todo el occidente d’Asturias ten, dende 1983, úa cita ...

Avilés celebra la III Folixa de Navidá

Llendadores de la Ría de Avilés recoyerán las cartes y repartirán castañes de chocolate ...