La plataforma PlayPresta participa nos actos del Festival Metrópoli 2018 en Xixón

La plataforma de youtubers n’asturianu PlayPresta va tar presente nos actos del Festival Metrópoli de Xixón a lo llargo d’estos díes vinientes y con dellos actos estremaos.
El primeru de los actos, una presentación de la canal con tolos presentadores de los programes de PlayPresta, va celebrase esti xueves 5 a les 20 hores nel escenariu de la Cómic Con. Nel actu los presentadores de los programes van interactuar col públicu y dar a conocer les novedaes de les nueves temporaes de los sos espacios de la mano del director de la canal, Inaciu Galán. Ente los confirmaos, Laura Marcos, presentadora de La cla invisible, Maggy de #Tendencies, Hortensia, Alexandru Ordiales de Viaxando y la cosplayer Shiro Ychigo, presentadora de CosPlayPresta.
El sábadu, tamién a les 8 la tarde, va celebrase una proyección de programes de la canal, cola presentación de dellos capítulos inéditos de dalgunos programa. La proyección sedrá nel escenariu de la Cómic Con.
El domingu a les 12:15h. van pesllase los actos de PlayPresta en Metrópoli cola actuación en directo d’Hortensia, poeta asturiana, l’espaciu de la canal con más ésitu nes redes. El personaxe de la serie de PlayPresta va facer una actuación incluyendo momentos musicales y d’humor.

La canal, que s’asemeya al modelu d’otres creaes nel ámbitu estatal como Flooxer o Playz, arrancó en pruebes con dellos espacios a finales del añu pasáu y va dir medrando en conteníos a lo llargo del añu 2018 hasta ufrir una parrilla variada de programes a lo llargo de tola selmana. Dende la so fundación lleva más 200.000 videos vistos.

Los programes van colgándose cada selmana y traten temes varios pensaos pal públicu mozu, pero que lleguen a distintes xeneraciones y a públicos con gustos estremaos. Pue vese en Facebook, YouTube o na páxina web www.playpresta.com, amás de n’Instagram y Twitter.

  • Conseyu de redacción de Conocer Asturies. redaccion@conocerasturies.es

Artículos rellacionaos

Berta Piñán gana’l Premiu María Josefa Canellada de Lliteratura Infantil y Xuvenil

La escritora Berta Piñán resultó ganadora de la décima edición del Premiu María Josefa ...

Domingu’l Gordu en Rozaes (Villaviciosa)

El domingu 11 de febreru celebróse na parroquia de Rozaes (Villaviciosa) el Domingu’l Gordu, ...

Xixón, finalista de los Premios Travelguau como meyor destín dogfriendly

Xixón foi seleicionáu pola campaña ‘Xixón, yes mi can’ y pola so ufierta bayurosa ...

Gijón Sound Festival, nomináu a los Iberian Festival Awards 2017

Gijón Sound Festival, entamáu por Mestizo y Divertia, ta nomináu en 8 estayes de ...

Pista de patinaxe sobre xelu en La Esposición (Avilés)

La programación navidiega pa esti añu n’Avilés, inclúi una pista de patinaxe sobro xelu ...