La prueba cicloturista “Ruta Vía de la Plata Non-Stop” saldrá de Xixón

Xixón – Sevilla en bici per 962 kilómetros de distancia y un desnivel acumuláu de 10.000 metros.

La prueba cicloturista “Ruta Vía de la Plata Non – Stop” enmárcase na iniciativa europea Atlantic on Bike.

La Ruta Vía de la Plata pasa per dellos conceyos de gran tradición ciclista.

L’impautu económicu del cicloturismu n’España algama los 1.500 millones d’euros añales.

Xixón sedrá la salida de la prueba cicloturista “Ruta Vía de la Plata Non Stop”, qu’arrancará el 15 de xunu de 2019, y terminará cuatro díes dempués, el 19 de xunu, en Sevilla. Esta prueba, asemeyada al Andalucía Bike Race o Madrid-Lisboa, tien, per embargo, la mayor distancia a percorrer: 962 km de distancia y un desnivel acumuláu de 10.000 m.

Los ciclistas van disponer de 107 hores para completar el percorríu y calcúlase que los más rápidos van facelo en 50 hores. La prueba va tar formada por delles categoríes y modalidaes: individual (masculín o femenín); pareyes (masculín o femenín); pareyes mesta (muyer y home); tríu (masculín o femenín); mesto absoluto (equipos formaos con miembros de dambos dos sexos, ente 2 y 4 corredores; equipos (grupos de más de 5 participantes que terminen a la vez).

Eurovelo 1

La “Ruta Vía de la Plata Non Stop” enmárcase na iniciativa Atlantic on Bike, proyeutu européu que persigue afitar Eurovelo 1 como productu turísticu. Eurovelo 1 ye una de les 15 rutes diseñaes pola Federación Europea de Ciclistes dientro del proyeutu Eurovelo. Eurovelo tien como enfotu crear una rede de rutes en bicicleta que coneuten dafechu’l continente européu dende l’Atlánticu al Mar Negru, del Árticu al Mediterráneu, y tan diseñaes pal so emplegu turísticu o diariu. La rede ta proyeutada con un total de 70.000 kilómetros de los que cuasi 40.000 yá tan en funcionamientu. Eurovelo 1 coneuta Cabu Norte en Noruega con Sagrès en Portugal y, al so pasu per España, percuerre un tramu importante de la Ruta Vía de la Plata.

Tola información venceyada cola prueba va tará disponible nes selmanes vinientes na páxina de la Federación Española de Cicloturismu http://www.fect.info y na web www.larutatenbici.com. En 2016, la Red de Cooperación asoleyó esti microsite con información d’utilidad pa quien s’anime a percorrer esti itinarariu hestóricu sobre dos ruedes. Una iniciativa na que se trabayó en comuña cola Federación de Ciclismu del Principáu d’Asturies.

Tags:

Artículos rellacionaos

Berta Piñán gana’l 38 Premiu Xosefa Xovellanos de novela n’asturianu

Berta Piñán ha ganado el Premio Xosefa Xovellanos de novela en asturiano, que concede ...

A Conseyeiría d’Educación y Cultura presenta na Caridá el octavo númaro da revista Trabatel

A publicación nacéu como un escaparate prá creación lliteraria actual en gallego-asturiano Trabatel. Revista ...

Mañana inaugúrense les XXXVII Xornaes Internacionales d’Estudiu

Mañana a les 12:00 hores, na Facultá de Filosofía y Lletres de la Universidá ...

Festival de vinos de famosos n’Avilés

La ciudá calienta motores pal branu col Famous Wine Festival, el festival de lliteratura ...