La segunda edición de GijónSeCome vuelve n’avientu con 72 hores d’espectáculu

Ta tou preparáu entamar de la II edición de GijónSeCome, el festival gastronómicu sostenible y responsable d’Asturies, que se va celebrar los próximos díes 2, 3 y 4 d’avientu nel Recintu Ferial Luis Adaro de Xixón. Depués del éxitu de la primer edición, el festival vuelve a la ciudá con una apuesta reforzada pal públicu: una mayor ufierta gastronómica, más espectáculu y un conceptu más global, con espositores de toa España.

L’oxetivu d’esti añu ye afalar l’enfoque popular del festival p’algamar un públicu masivu interesáu na ‘bona mesa’ y l’ociu gastronómicu: los llambiones. Esplícalo asina Ana Rellán, directora del festival “Ampliemos la ufierta de conteníos, n’especial de restauración, con más foodtrucks y prebes gratuites, amás de talleres ensin costu, dende echar cerveza a facer postres”, avanzó.

TRES DÍES, DOS ESCENARIOS, 100% ESPECTÁCULU

Les amueses de cocina en direuto van ser parte central del programa. GijónSeCome va contar con dos escenarios (Escenariu Mahou, Escenariu IKEA), per onde van pasar chefs d’un nivel peraltu, con delles “Estrelles Michelin” y una seición especial de showcooking de Cocineros Mahou. Destaca la presencia de cocineros d’Asturies y Galicia, con nomes como Marcos Morán, José Antonio Campoviejo, Rodrigo Roza, Diego Fernández, Mariano Mier, Luis Veira o Alberto González Prelcic. Tamién l’apuesta pola cantera gastronómica, con concursantes de MasterChef como Estela Antuña o Mateo Sierra. Toos ellos van cocinar con una seleición de productos d’El Corte Inglés, supermercáu oficial de GijónSeCome 2017.

D’esta manera, pela Gastrollibrería y la zona de talleres gratuitos Cocina con Miele van desfilar ponentes como’l chef de Canal Cocina Gonzalo D’Ambrosio, la bloguera Elka Mocker, el maestru del chicolate David Pallás o l’espertu en nutrición Juan Llorca.  Ente los espositores, con orixe en toa España, destaca la presencia institucional. Amás d’alimentos d’Alimentos del Paraíso Natural, GijónSeCome va contar con puestos de la Diputación Provincial de Cáceres o la Consellería do Mar de la Xunta de Galicia. Tamién va asistir como ponente’l gastrónomu Pep Palau, direutor del prestixosu Fòrum Gastronomic, el mayor eventu gastronómicu nacional.

Tags:

Artículos rellacionaos

Cimavilla, el Xixón de los playos

Dicen los playos que l’auténticu espíritu xixonés ta nel barriu Cimavilla y que tolo ...

Xornaes de les Setes en Villaviciosa, Nava, Colunga Cabranes y Sariegu

15 establecimientos hosteleros y dos tiendes d’alimentación de los conceyos de Cabranes, Colunga, Nava, ...

XXXVIII Certame del Quesu Gamonéu en Benia d’Onís

Benia (Onís) acueye la XXXVIII edición del Certame del Quesu Gamonéu. El Gamonéu ye ...

La fabada, ¿cómo facela?

Nun se sabe dende cuando se fai esti esquisitu platu, pero teniendo en cuenta ...

Vuelven a difundir el programa Mundu Sidreru en TPA

TPA emite esti programa que mos permite conocer con fondura los secretos de la ...

El sabadiegu, xoya gastronómica de Noreña

El sabadiegu ye unu de los embutíos más característicos del conceyu asturianu de Noreña. Ye unu ...