La xira d’Operación Triunfo, esti branu en Xixón

Los 16 concursantes de la última edición de OT van ufiertar el so espectáculu’l domingu 29 de xunetu a les 21:30 h nel parque Hermanos Castro de Xixón.
Yá se vendieron más de 5.000 entraes.
La modalidá d’entraes de grada yá tán escosaes, anque entá tán disponibles entraes de pista y entraes Golden

Los participantes de la OT 2017 van visitar Xixón nel mes de xunetu dientro del ciclu musical de Gijón Life. Tres l’ésitu arrollador en Madrid y Barcelona, con toles entraes vendíes, los concursantes embárquense nuna xira que los va llevar a visitar más ciudaes del nuesu país nun espectáculu que va faer hestoria.

El domingu 29 de xunetu, Amaia, Aitana, Miriam, Alfred, Ana Guerra, Agoney, Roi, Cepeda, Nerea,Raoul, Mireya, Ricky, Marina, Thalía, Juan Antonio y Mimi van pasar pol escenariu del parque Hermanos Castro de Xixón pa cantar tolos ésitos colos que consiguieron una de les ediciones con mayor ésitu de la hestoria del reallity.

Los 16 concursantes d’anguaño fixeron que’l programa diera un xiru de 360 graos, convirtiendo esta edición non yá nel programa más vistu de la temporada, sinón nun fenómenu social que superó toles mires.

Nel espectáculu musical van incluyise’l cantar grupal ‘Camina’ y ‘Tu Canción’, el cantar que va representar a España nel próximu certame d’Eurovisión que se va cellebrar en Lisboa.

En tan solo una fin de selmana, el conciertu d’Operación Trunfo en Xixón yá superó les 5.000 entraes vendíes. Les entraes de grada tán escosaes, sicasí, entá queden disponibles entraes de pista y entraes Golden.

Les entraes pueden adquirise n’El Corte Inglés, Livenation y Ticketmaster. Los precios de les
entraes son:

PL3 Pista – 39,00 €
PL2 Grada ensin numberar – Escoses
PL1 Golden – 72,00 €
Early Entry Golden Circle -127,00 €

Esti espectáculu pertenez al ciclu de conciertos Gijón Life, que se va cellebrar nel parque Hermanos Castro del 20 de xunetu al 1 d’agostu. Nes próximes selmanes, van anunciase nuevos conciertos pa esti ciclu con importantes grupos nacionales ya internacionales.

Tags:

  • Conseyu de redacción de Conocer Asturies. redaccion@conocerasturies.es