L’asturiana María Luisa Huertas presenta la so sesta novela ‘Las sombras del azar’

La escritora uvieína presenta ‘Las sombras del azar’ el xueves 14 d’avientu a les 19:00h na Llibrería Cervantes (c/ Dr. Casal, 9. Uviéu)

Las sombras del azar ye la sesta novela de la escritora uvieína María Luisa Huertas, llicenciada en Hestoria del Arte y en Psicoloxía. Espublizada pola editorial ECU (Editorial Club Universitario), esta obra ta protagonizada por personaxes que se someten al destín feble impuestu pol azar. Toos ellos paecen dir montaos nuna nave al debalu sobre unes agües ensin fin. Les sos vides son un trasegar constante de desilusiones y de desesperances que son el motor de la fuxida incesante d’una realidá aparentemente insuperable.

Las sombras del azar aporta tras la bona acoyida de la so novela cabera, Como una ola sin mar, espublizada tamién pola editorial ECU en 2016 y que foi’l so primer rellatu editáu en castellán. Enantes, Mª Luisa Huertas, yá editara otres cuatro noveles en Francia cola editorial Atlántica Seguier: Eloisa (2002), Un jour l’ocean devint noir (2004), Solitudes (2006 – Premiu Ciudad del Ejido) y Quand je serai grande je veux être pute (2009).

Tags:

  • Conseyu de redacción de Conocer Asturies. redaccion@conocerasturies.es

Artículos rellacionaos