Les lluces de Navidá d’Avilés van encendese’l 1 d’avientu con una novedá n’El Parche

Una gran bola lluminosa va protagonizar les lluces de Navidá d’Avilés na Plaza’l Parche. Con esta novedá no que cinca al árbol de los últimos años, la conceyala de Festexos quixo “ufiertar un elementu nuevu, llamativu ya innovador que va ser bien llamativu pa grandes y pequeños”.

La bola tien 6 metros d’altor y otros 6 na so parte más ancha. Va tar recubierta de 20.000 puntos de lluz azul, el color de la ciudá, y 12 estrelles blanques.

Tamién va instalase un árbol lluminosu de forma orixinal de 8 metros d’altor nel paséu central del parque de Les Meanes, na redolada de la Feria d’Advientu.

A ello va sumase la decoración de la Plaza’l Parche y la fachada de la Casa Conceyu, a la que van pone-y más d’un cientu d’arcos de lluz que van instalase nes cais de la ciudá dientro del conveniu añal ente la UCAYC y el Conceyu, cola collaboración del sector comercial avilesín.

L’encendíu de les lluces de Navidá ta previstu pal vienres viniente, 1 d’avientu.

Tags: