La seronda n’Asturies ye tiempu de vivos y bien vivos, pero sobremanera na parte occidental del país atopamos la so cara más mística, más oculta, n’onde se produz  la conexón coles solombres de la nueche. El cultu a les ánimes y a los muertos forma parte del imaxinariu social y mitolóxicu d’Asturies dende tiempos remotos que funden los sos raigaños en rituales y creecies llenes de maxa y misteriu, como, La Santa Compaña o Güestia que ye una de les lleendes que más se rellaten nel occidente d’Asturies, principalmente en Villayón.

Otra de les lleendes más inquietantes de la zona ye la del Güercu, la imaxe d’un alma que se presenta a una persona poco enantes de morrer. Nun fala nin fai xestu dalgunu, pue atopase per un camín o trabayando la tierra. Quien la ve, salúdala, pero enxamás nun recibe contestación dala, cuando llega a casa o al pueblu, recibe la noticia de qu’esa mesma persona acaba de morrer fai unos momentos y n’otru llugar distintu. Ye una de les creencies más enraigonaes y los casos puen cuntase por miles.

Les apaiciones de difuntos non siempre tienen que tener forma humana, nin tar envueltos en sudarios, nun falten lleendes nes que l’alma adopta la forma d’un animal. El poeta y párrocu asturianu Antón de Marirregera escribía nel sieglu XVII unos versos que yá referíen esta creencia:

“¿Vas ser quiciabes un estornín tornáu l’alma d’un

aforcáu

o la güestia que vien del otru mundu y

sal de los llamales del fondu?”

Artículos rellacionaos

Arquitectura d’Asturies: Palaciu de Valdés-Bazán (Candamu)

Nel pueblu de San Román, en Candamu, ta’l Palaciu de los Valdés–Bazán, declaráu Monumentu Hestóricu Artísticu. Dempués ...

Los oríxenes de Castrillón, un pocoñín d’hestoria

Asocedió fai munchos, munchos años nun reinu del norte nel qu’había un imponente castiellu, ...

Cantares pa la esfoyaza

Una de les celebraciones típiques d’Asturies y qu’agora namás queda d’un manera más bien ...

Carreño, la hestoria apasionante d’un conceyu

Percorremos la hestoria de Carreño del Paleolíticu hasta la dómina medieval La presencia humana más antigua ...

5 tradiciones navidiegues d’Asturies que van sorprendete

La Navidá o Nadal tien n’Asturies delles tradiciones especiales que se tán recuperando nos ...