Pela mañana, el Príncipe Aliatar y Les Sos Maxestaes van aportar a la plaza’l Marqués y, pela tarde, la cabalgata va salir dende’l barriu de La Calzada hasta la Plaza Mayor.

El vienres viniente, 5 xineru, los Reis Magos d’Oriente y el Príncipe Aliatar van llegar a Xixón. Les Sos Maxestaes van aportar dende l’Aeropuertu d’Asturies y van percorrer la ciudá nos sos camellos dende l’Acuariu hasta la Plaza’l Marqués, onde llegarán a les 11h.

Yá pela tarde, a les 18:30h, la Cabalagata real saldrá del barriu de La Calzada y percorrerá 5,5 kilómetros hasta la Plaza Mayor, onde Les Sos Maxestaes van empobinase a los xixoneses dende’l balcón de la Casa Conceyu a les 21h aproximadamente, en terminando la cabalgata.

La cabalgata tará compuesta por 7 carroces y el tren de los regalos y nella van participar unes 1.000 persones. Tolos actos cunten cola collaboración d’Emtusa, Emulsa, Seguridá Ciudadana y Policía Nacional.

Percorríu Cabalgata (5,5 kilómetros Salida 18.30 hores)

Pabellón de Deportes Mata Xove, C/ Simón Bolívar, Avda. L’Arxentina, Avda. Galicia, C/ Dos de Mayu, Avda. Juan Carlos I, C/ Marqués de San Esteban, C/ Pedro Duro, C/ Palacio Valdés, Avda. La Costa, C/ San Bernardo, Plaza l’Institutu, C/ Xovellanos, C/ Los Moros, C/ Munuza, Plaza’l Carmen, C/ Felipe Menéndez, C/ Marqués de San Esteban y Xardinos de la Reina

Recomendaciones pa siguir la Cabalgata

  • Na xornada va restrinxise’l tráficu en dellos barrios de la ciudá. Poro, encamiéntase l’emplegu del tresporte públicu.
  • Dalgunos percorríos de los autobuses d’EMTUSA camudarán pola celebración del desfile. Consulta a la empresa municipal pa conocer les frecuencies y paraes. (bus.gijon.es) (tlf. 985 18 10 80)
  • Ye preciso que los espectadores sigan siempres les indicaciones de los cuerpos y fuercies de seguridá y de la organización.
  • Pídese a los espectadores caltener demientres la cabalgata la distancia precisa de seguranza colos grupos y les carroces participantes.
  • L’emplegu de sprays nun ta permitíu nel desfile.

 

Tags:

  • Conseyu de redacción de Conocer Asturies. redaccion@conocerasturies.es

Artículos rellacionaos