Luis Piedrahita torna al Niemeyer con “Las amígdalas de mis amígdalas son mis amígdalas”

El sábadu 13 de xineru a les 20:30 l’Auditoriu del Centru Niemeyer va acoyer el show “Las amígdalas de mis amígdalas son mis amígdalas”.
Les entraes pa esti espectáculu yá tán a la venta.

L’humorista Luis Piedrahita torna al Centru Niemeyer tres el so esitosu pasu en mayu de 2016 col so nuevu espectáculu de “stand up comedy”, tituláu “Las amígdalas de mis amígdalas son mis amígdalas”, que va tener llugar nel Auditoriu’l sábadu 13 de xineru a les 20:30. Les entraes pa esti show yá tán a la venta.

Nesta ocasión Piedrahita va xubir al escenariu pa demostrar que l’humor ye un arma de construcción masiva. El so espectáculu enséñanos que la vida ye como un hotel: un sitiu nel que vas tar pocu tiempu y del que tienes que llevar tolo que seya quien. El so humor, reconocible y cotidianu, enséñanos a desactivar la envidia, l’egoísmu, la rocea… En “Las amígdalas de mis amígdalas son mis amígdalas”, Piedrahita constrúi un mundu nel que toes eses miseries siguen esistiendo pero lloñe de xenerar sufrimientu y resquemor, desamarren les risaes más lliberadores.

Tags:

Artículos rellacionaos

4 compañíes asturianes pa conocer el panorama del teatru n’asturianu

Asturies tien una montonera compañíes de teatru qu’usen l’asturianu nes sos representaciones. Dende’l teatru ...

“Muyeres Insesperaes” estrénase’l xueves 14 nel Teatru Xovellanos

“MUYERES INESPERAES” ye  la obra teatral de Dolfo Camilo Díaz que s’estrena nel Teatru ...