Maria Cotiello: “Prestaríame vivir ochobre del 34”

María Cotiello (Mieres, 1982) ye una de les actrices moces asturianes más conocíes a nivel estatal. Tien participao en series de televisión como Amar en tiempos revueltos, Los protegidos o Bajo sospecha, asina como na película Las 13 rosas. Esti añu va tar na serie de TVE, Centro Médico.

Comprometida cola llingua asturiana en distintes campañes güei conocemos Asturies con ella, coles sos recomendaciones de planes d’ociu, gastronomía y cultura.

Un llugar pa perdese una fin de selmana… Ouviñana.

Un llugar pa vivir… Grillero.

Un platu… Arroz negro.

Un quesu… L’Afumáu de Pría.

Un postre… Nates.

Una sablera pa pasar el día… Cueva, en Caneiru (Valdés).

Un pueblín que nun podemos dexar de ver… Güeñu.

Un chigre pa tomar unos culinos… Los Valles Mineros, en Requexu.

Un parque natural pa visitar… Redes.

Una fiesta a la que nun faltar… Los Mártires de Valdecuna.

Un muséu pa recomendar… Muséu de la Sidra de Nava.

Un momentu de la hestoria que te prestaría vivir… Ochobre del 34.

Un baille pa pasalo bien… Una danza.

Un cantar… “Mar” de Los gatos del fornu.

Una pallabra n’asturianu que te preste… Naguar.

Una tradición que nun pue perdese… Los deseos de San Xuan.