Post Image
Post Image
Post Image

La Navidá nel Xardín Botánicu de Xixón celébrase, dende va unos años, con unes xornaes de puertes abiertes del 16 d’avientu al 7 de xineru. Mientres esos díes podemos visitar el Belén Monumental y realizar múltiples actividaes pa tolos públicos.

Esti Belén, con figures de tamañu natural, ye bien conocíu polos xixoneses, yá que va años instalóse en Begoña. Ta creáu pol artista Miguel Álvarez “El Ponticu”. Ente les 32 figures coles que cunta’l Belén podemos atopanos cola representación del Misteriu, los Reis Magos, pastores, oveyes, artesanos… Anguaño’l Belén ta instaláu nel Xardín de La Isla, con un percorríu que nos volverá a sosprender.

Una bona forma de conocer el Xardín Botánicu estes navidaes ye realizando dalguna de les visites guiaes gratuites.

  • De martes a vienres y llunes 18 d’avientu, de 12 a 14 hores: Visita xeneral
  • Fines de selmana y festivos 25 d’avientu y 1 de xineru: de 12 a 14 hores y de 17 a 18.30 hores: Visites temátiques.
  • 16 y 17 de’avientu: Visita temática “Entorno Cantábrico”
  • 23, 24 y 25 d’avientu: Visita temática “Factoría Vegetal”
  • 30, 31 d’avientu, y 1, 6 y 7 de xineru: “Jardín de la Isla”

Tags:

Artículos rellacionaos

Presentación del cuentu “Un Nataliegu perbullindiegu” nel Acuariu de Xixón

A les 12:30h. Preséntase´l cuentu navidiegu “Un Nataliegu perbullindiegu” nel Acuariu de Xixón. Nel ...

IX Xornaes culturales “De castilletes y carbón”

Per novenu añu consecutivu, la Fundación Nuberu y l’Ayuntamientu de Llangréu organicen les xornaes ...