Nueves visites guiaes a la esposición “Voces. La llingua al traviés de los sieglos”

Más de 4.000 persones visitaron yá la esposición Voces. La llingua n’Asturies al traviés de los sieglos, qu’Educación entama nel marcu del programa Cuadonga Centenarios. La muestra prorrógase hasta’l 23 d’avientu y entámense visites guiaes nueves pa centros educativos y públicu en xeneral.

El Muséu Arqueolóxicu d’Asturies acueye dende finales de setiembre la esposición Voces. La llingua n’Asturies al traviés de los sieglos, pola que pasaron yá más de 4.000 visitantes. L’éxitu de públicu y l’interés de bien de centros educativos llevó a la Conseyería d’Educación y Cultura a ampliar el calendariu de la esposición hasta’l 23 d’avientu y programar visites guiaes nueves a la esposición.

En concreto, van realizase cuatro visites d’ámbitu escolar (los díes 12,13, 19 y 20 d’avientu) y otres trés pa públicu en xeneral (estes postreres van tener llugar los sábados 24 de payares, 1 y 15 d’avientu). Los centros educativos y les persones interesaes puen apuntase llamando al teléfonu 985106741 o nel corréu splnormalizacion@asturias.org

Artículos rellacionaos

Mañana inaugúrense les XXXVII Xornaes Internacionales d’Estudiu

Mañana a les 12:00 hores, na Facultá de Filosofía y Lletres de la Universidá ...

Un antroxu “Dándole vueltas al disfraz”

El concursu entamáu por Divertia pa escoyer un cartelu col qu’ilustrar l’Antroxu de Xixón, ...

Celébrase la entrega de premios del Concursu de Cuentos pola Oficialidá

El sábadu que vien, 1 d’avientu, el Conceyu Bimenes va facer entrega de los premios ...

El Parres más indianu

Lo que nel pasáu foi una realidá que marcó la vida de munchos asturianos ...