Visitar el conceyu de Casu siempres ye especial, nesta ocasión Esbardi viaxó hasta’l llugar casín de Pendones, un noyu eminentemente ganaderu, actividá que va años compartía cola fabricación de madreñes. El Muséu la Madreña, vieyu llavaderu públicu acondicionáu pa tal fin, ye’l caberu niciu que simboliza aquella profesión artesana. Con malpenes 110 vecinos, Pendones preside les bondaes ñaturales del so valle. El paisaxe alpín que confina’l valle ta domináu pol omnipresente Tiatordos y numberosos cordales d’abrupta orografía.


Dende la plaza’l pueblu,cruzase la carretera d’accesu tomando de siguio una pista formiginada por donde transita’l senderu P.R. AS-65.1 en dirección a La Vega Baxu. Tres pasar el ríu, pasamos a la vertiente opuesta y per eso mesma fastera acometemos la dura xuba que dexa al llombu’l noyu de Pendones amparáu embaxo la maciza estructura de les abruptes montañes del Tiatordos y La Sienda. Tou esti valle, incluyíu en zona d’Usu Restrinxíu, constitúi una sobresaliente ñaturaleza custodiada por estos últimos picos que configuren una bona parte de la oreografía de Redes.

Tags:

Artículos rellacionaos

Colunga, ente la mar y el monte

Nun enclave privilexáu d’Asturies, nel centru-oriente y en plenu corazón de la Comarca la ...

Grau, el Camín de Santiagu y el turismu antimasificación

Grau nun ta dientro de los circuitos turísticos internacionales como Niza, Barcelona o Berlín, ...

Grau, el mercadón de la cultura

El Conceyu de Grau convirtióse nes décades últimes y pese al calter periféricu, nun ...

Bustiello, un pobláu mineru enllenu d’hestoria

En plenu valle d’Ayer pero perteneciente al conceyu de Mieres, atopamos una ayalga escepcional ...

Parque Nacional de Picos d’Europa

El Parque nacional de Picos d’Europa (67.455hectárees) ta asitiáu ente les comunidaes d’Asturies, Cantabria ...

Cuaña, un viaxe al occidente asturianu.

Cuando’l viaxeru entra dende Navia al conceyu de Cuaña, y a pesar d’atopase a ...