Percorríu cabalgata y llegada de Reis Magos en Xixón 2019

RECEPCIÓN PELA MAÑANA

El Príncipe Aliatar y les sos Maxestaes los Reis Magos d’Oriente van llegar a L’Atalaya a les 10:30 hores n’helicópteru pa dirixise dempués hasta la Plaza’l Marqués (11h). Ellí van saludar a los neños y neñes y les autoridaes del Conceyu.

De siguío, van pasiar colos sos coches oficiales pel barriu de Cimavilla, faciendo un curtiu percorríu, pa dempués dirixise a la Casa Conceyu de Xixón (12:50 hores), onde va tener llugar la tradicional recepción (.

CABALGATA

La cabalgata, con un percorríu de 3,5km, va salir a les 18.30 hores dende’l colexu Begoña, en Viesques, y va escurrir pela cai Anselmo Solar hasta la Plaza de Toros d’El Bibio pa siguir pela Avenida La Costa, l’Avenida Castiella, Emilio Tuya, Menéndez Pelayo, Los Campos, l’Avenida de La Costa, San Bernaldo, la Plaza’l Parchís, cai Xovellanos, la cai Los Moros, cai Munuza, la Plaza’l Carmen, Felipe Menéndez y Marqués de San Esteban, pa rematar nos Xardinos de la Reina. A les 21 hores van despedise de los y les xixoneses dende’l balcón de la Casa Conceyu enantes d’entamar a repartir los regalos

Dexámosvos de siguío un mapa del percorríu.

Na cabalgata van participar más de 1200 persones, 7 xarrés, 1 calesa de caballos, 1 tren navidiegu, 3 camellos, carros del país, ponis, pollinos, cabres, oveyes, 10 bandes de música -la Bandona de Gaites Villa de Xixón, la Banda de Gaites Piedad, Banda de Gaites Pepe Blanco, l’Asociación Musical Virgen de la Vega, l’Asociación Musical La Cena, l’Asociación Musical Siete Palabras de Jesús en la Cruz, el Grupu de Percusión de les Charangues de Xixón, la Banda de la Venerable Real y Pernomada Confrería del Santísimu Cristu de la Misericordia, la Banda Santu Sepulcru Esperanza de Vida y la Confrería Santu Cristu de la Bienaventuranza- 18 grupos o colectivos de desfile y exércitos y 12 vehículos, ente los que s’atopen coches oficiales, Policía del Conceyu, Protección Civil, Bomberos, Emulsa…

TOLOS HORARIOS SON APROXIMAOS Y PUEDEN SUFRIR VARIACIONES.

Tags: