PlayPresta prepara una webserie de ficción low cost pa la so canal

La productora Cuatro Gotes Producciones punxo en marcha a finales de 2017 la canal de youtubers n’asturianu PlayPresta, sumando dende entós más de mediu millón de visualizaciones de los videos, con programes con bien d’ésitu como “Hortensia, poeta asturiana”, “Viaxando”, “La casería” o “La cla invisible”.

Tres dellos averamientu al xéneru de la webserie de namás un personaxe, con exemplos como “Bertucu” y dellos de los capítulos de la propia “Hortensia”, los responsables de la canal quieren dar un pasu más cola creación d’una webserie de ficción de baxu costu, que va denominase “Proyectu webserie”, con una primer temporada de capítulos.

Nestos meses atrás grabáronse los dos primeros capítulos pilotu, y trés delles modificaciones na idea orixinal y nel repartu, nesti momentu tán produciéndose y grabándose los capítulos definitivos que conformen la temporada primera d’esta web serie de baxu costu.

Proyectu webserie va tar centrada precisamente en cuntar la hestoria de Xurde y Adriana, dos rapazos que s’embarquen nun proyectu web d’entretenimientu xunto a Oliver, un actor mozu y youtuber un pocoñín curtiu d’entendederes. El problema ye que nun tienen nenguna idea que-yos convenza. Too cambia cuando, de casualidá, Xurde s’atopa con Ayalga, una camarera aspirante a actriz de la que lleva namoráu dende cuantayá. Xurde úfre-y participar nuna webserie, ensin tener nada planeao entá, asina qu’agora embárquense toos xuntos nuna webserie na que naide tien claro’l so argumentu, rol, cómo son los personaxes, nin cuánto va durar la serie…

La serie ta producida por Cuatro Gotes Producciones con guión y dirección del mozu realizador Marcos S.L. y ye una apueste por da-y conteníos n’asturianu de ficción a la mocedá nestos tiempos nos que’l consumu televisivu faise cada vegada más al traviés de plataformes de conteníos colgaos na rede.

El proyectu d’esta web serie ye de CuatroGotes Producciones, S.L. y cunta col sofitu de la Oficina de Normalización Llingüística de Xixón.

Tags:

Artículos rellacionaos

Bimenes convoca’l XVIII Concursu de Gaita

El Conceyu Bimenes ta acabante de convocar una nueva edición del so concursu de ...

Segunda edición del concursu “Qué guapo ye querese”

La Oficina de Normalización Llingüística de Xixón, a comuña col Conseyu de la Moceda ...

Gijón Sound Festival, nomináu a los Iberian Festival Awards 2017

Gijón Sound Festival, entamáu por Mestizo y Divertia, ta nomináu en 8 estayes de ...

La llingua asturiana ye oficial n’Europa

La llingua asturiana va protagonizar una selmana temática demientres los actos oficiales de la ...

Xixón sigue sumando turistes

Xixón rexistra un 1,8% más de viaxeros y un 2,8% más de pernoctaciones nel ...