Un rally de 1.000 kilómetros ente Sevilla y Xixón

Sevilla – Xixón en moto, mil kilómetros d’aventura en tres etapes: gastronomía, contrastes de paisaxe, padremoñu, diversidá cultural, ufierta bayurosa de servicios y bon asfaltu.
Entamáu por Travelbike, axencia de viaxes en motocicleta con 9 años de trayeutoria y númberu 1 en viaxes en moto n’España, tien el sofitu de la Red de Cooperación de Ciudades en la Ruta de la Plata. Un total de 150 motocicletes van participar del 27 al 30 d’abril nel I Rally Turísticu Ruta Vía de la Plata, una prueba non competitiva que va percorrer la hestórica N-630 (y A-66) dende Sevilla fasta Xixón. Entamáu por Travelbike, axencia de viaxes en motocicleta con nueve años de trayeutoria y númberu 1 en viaxes en moto n’España, cunta col sofitu de la Red de Cooperación de Ciudades en la Ruta de la Plata, red turística a la que pertenez Xixón.

El rally va comenzar en Sevilla el xueves 27 d’abril pela tarde y va terminar el día 30 en Xixón. Ye una ruta 100% asfaltu y concibióse pal esfrute de los participantes, ensin nengún tipu de calter competitivu. El primer día van realizase les verificaciones téuniques y va entregase’l welcome pack, roadbook y pasaporte, que va ser preciso acuñar a diario a la salida y en cada control de pasu que los motociclistes atoparán a lo llargo de la ruta. En llegando a la meta’l día últimu, colocaráse’l cuñu caberu y apurriráse un obsequiu Finisher. «Los participantes podrán disfrutar de los innumerables atractivos naturales, históricos, artísticos y gastronómicos que ofrece uno de los itinerarios más espectaculares de toda la Península Ibérica, con una ruta hecha a la medida de los aficionados a los viajes en moto, y cuyo recorrido se mantendrá en secreto hasta el 1 de febrero», esplica’l presidente de la Red de Cooperación, José Miguel Palazuelo.

La prueba avanza per cuasi mil kilómetros y cuatro comunidaes autónomes, creando un itinerariu ablucante, con delles ciudaes Padremoñu de la Humanidá, puertos míticos de montaña, una montonera de manifestaciones artístiques y monumentales de primera, y una naturaleza cambiante que va dende los campos d’Andalucía fasta les elevaciones de la Cordelera Cantábrica, travesando les deheses y les viesques d’encines y monte baxo estremeñes, y pasando pelos horizontes pictóricos de la meseta castellana p’aportar a la fin a la costa en Xixón. Nel percorríu, van realizase incursiones a puntos d’interés y tramos que, a pesar de dexar la N-630, van aguapecer les xornaes de conduición dándo-y un plus d’aventura a la yá ablucante Ruta Vía de la Plata.

Inscripciones

Les inscripciones puen formalizase a partir del día 1 de febreru na web www.rallyrutaviadelaplata.com. Al ser places limitaes, los motoristas interesaos en sumase al eventu van tener de completar la inscripción pa nun quedar fuera del cupu máximu de 150 motos, siempres que seyen de cilindrada mayor a 250 c.c. El coste va ser de 150 euros por pilotu y 125 euros por acompañante, ya inclúi welcome pack, Roadbook, pasaporte, personal de staff, asistencia mecánica demientres tola ruta y cena final el llunes 30 d’abril na playa de Xixón. Arriendes d’ello, los patrocinadores del eventu van ufrir obsequios y ufiertes especiales a los participantes. Tamién va realizase un reportaxe fotográficu y en videu. L’agospiu nun ta incluyíu. La organización ufre un pack n’hoteles de 4* en réxime d’A/D. Esta opción pue tramitase dafechu con Travelbike.

Pela so parte, la Red de Cooperación de Ciudades en la Ruta de la Plata pon a disposición de los viaxeros que se desplacen en moto una tarxeta qu’ufre descuentos en dellos establecimientos, la Moto Vía Card; y un pasaporte que pue ser acuñáu nes cases conceyu, oficines de turismu y agospios de les ciudaes que pertenecen a la rede. Amás de valir como credencial de les etapes, en completando un mínimu de diez caxellos ye posible participar nun sortéu anual. La tarxeta y el pasaporte nun tienen caducidá. Dambos dos puen solicitase na web www.rutadelaplata.com

La llexendaria N-630 (o l’autovía A66) conduz dende Sevilla fasta Xixón (nel sen sur-norte) per un viaxe nel tiempu auténticu. La Vía de la Plata, ún de los caminos más antiguos de la Península Ibérica, vertebró la comunicación na Hispania del Imperiu Romanu y entá güei, nos nuesos díes, el so percorríu ye una de les grandes referencies na conexón occidental de la exa norte-sur (y viceversa).

Red de Cooperación de Ciudades en la Ruta de la Plata

La Red de Cooperación de Ciudades en la Ruta de la Plata ye una asociación voluntaria y ensin ánimu de lucru constituyida por ciudaes asitiaes na nomada Ruta Vía de la Plata y na so área d’influencia. El so envís ye dar a conocer los recursos turísticos de les poblaciones que la integren y dar valir a la montonera d’atractivos qu’esti itinerariu representa pola so variedá y amplitú.

Anguaño, la rede ta compuesta por 27 conceyos: Xixón, Llanera, La Ribera, Morcín, Riosa, Mieres, Ayer, L.lena, La Pola de Gordón, Llión, La Bañeza, Benavente, Zamora, Guijuelo, Béjar, Baños de Montemayor, Hervás, Plasencia, Casar de Cáceres, Mérida, Los Santos de Maimona, Zafra, Calzadilla de los Barros, Fuente de Cantos, Montemolín, Carmona y Sevilla.

Travelbike

Travelbike Tours, Shop & Rentals ye una axencia de viaxes en moto asitiada en Rivas-Vaciamadrid fundada por Chema Hernández y Camino Rodríguez yá va cuasi una década. Ye partner oficial de BMW Motorrad España y tien entamaos más de mediu millar de tours per tol mundiu. El so equipu tien experiencia a esgaya na organización de percorrios a medida pa grupos.

Arriendes de promover y desendolcar viaxes en moto, la firma madrilana entama cursos de conduición y tien una flota propia de motocicletes d’alta gama. Nesi sen, Travelbike ufre a los participantes del Rally que nun tengan moto o que deseen probar dalgún de los modelos más nuevos de BMW la posibilidá d’alquiler con descuentos especiales: www.travelbike.eu

Tags:

  • Conseyu de redacción de Conocer Asturies. redaccion@conocerasturies.es

Artículos rellacionaos

Esti llunes ábrese la matrícula de la Prueba de Conocencia de l’Academia de la Llingua Asturiana

L’Academia de la Llingua Asturiana, sabiendo’l fondu interés de munches persones por llograr que ...

Xuan Santori Vázquez llogra’l Premiu Máximo Fuertes Acevedo d’Ensayu n’asturianu

Xuan Santori Vázquez, resultó ser el ganador de la XXIII edición del Premiu «Máximo ...

Última selmana de matrícula pal cursu de branu “Xestión cultural n’Asturies”

Esti mes d’agostu y dientro del programa de la Univerasidá Asturiana de Branu (UABRA), ...

La Banda Gaites La Madreña de Llanera participa nos actos de la Hispanidá de Nueva York

Celtiberian Heritage Society invita a esta formación a desfilar na Quinta Avenida, a dar ...

Berta Piñán gana’l 38 Premiu Xosefa Xovellanos de novela n’asturianu

Berta Piñán ha ganado el Premio Xosefa Xovellanos de novela en asturiano, que concede ...