3 rutes pela costa asturiana pa nun quedar atrapáu na nieve.

Sienda costera del Cabu Peñes
Puertu de Lluanco

La villa de Lluanco ye’l llugar escoyíu pa entamar una de les principales rutes del Cabu Peñes.  Asitiámonos al términu de l’Avenida Gayo mui cerca de la Sablera de Lluanco y del edificiu de la Cruz Roja. Ellí mesmo alcontraremos el panel d’empiezu de la ruta.

Percorríu: Lluanco – Bañugues – Llumeres – Viodo – Cabu Peñes.

Duración: 4 hores y 6 minutos.

Distancia: 14,01 km

Desnivel: 300 m

Dificultá: Baxa

Ruta Naviega
Ría de Navia

Esta franxa del llitoral asturianu tien un llargor d’unos 20 kilometros, y ta chiscada de cales, sableres, cantiles y praos. La Ruta Naviega percuerre la costa del conceyu de Navia d’oriente a occidente. Esta franxa costera tien unos trés kilometros d’anchu ente’l llitoral y la carretera N-364.

Aportamos pela carretera N-634 hasta’l kimómetru 321 n’onde tomamos el desvíu a Puertu Veiga pela carretera llocal NV-2. Como a unos 400 metros y ante un gran prau ye onde da empiezu la ruta.

Percorríu: El Bao – Puertu Veiga – Sablera de Frexulfe- Castel de Teifaros – Navia.

Duracción: 6 hores

Distancia: 20,3 km

Desnivel: 400 metros de xubida acumulada y 500 metros de descensu acumuláu.

Dificultá: Baxa.

Sienda costera: El Porto / Viavélez – Tapia

El Porto / Viavélez | Semeya: Turismu Asturies

Nesta franxa marina sucédense los estuarios con costante alternanza de sableres y cantiles en mediu d’una axuntadura de buelgues.

Toa esta ruta escurre pel senderu de Gran Percorríu E-9, denominación europea d’esti senderu costeru que percuerre la mariña atlántica dende San Petersburgu (Rusia) hasta Tarifa (Cádiz). Esti tramu asturianu tien la denominación G.R 204 Sienda Costera Asturiana.

La Ruta da empiezu na llocalidá d’El Porto / Viavélez , accedemos a ella pela carretera FR-4.

Percorríu: El Porto / Viavélez – Porcía – Salave – Tapia.

Duración: 5 hores y 23 minutos

Distancia: 19,7 km

Desnivel: 150 m de desnivel acumuláu

Dificultá: Baxa.

Tags:

Artículos rellacionaos

El Cirque du Soleil va tar en Xixón nel branu de 2019 col espectáculu Kooza

Kooza va abrir les sos puertes el 1 d’agostu de 2019  Una descarga d’adrenalina ...

Tinéu, un destín d’oru

El MOA (Muséu del Oru d’Asturies) ta asitiáu nel pueblu de Navelgas (Tinéu), d’unos ...

Xixón entama unes xornaes de la cocina tradicional

Diecisiete establecimientos ufren del 23 de payares al 2 d’avientu menús coles recetes clásiques ...

Celébrase la entrega de premios del Concursu de Cuentos pola Oficialidá

El sábadu que vien, 1 d’avientu, el Conceyu Bimenes va facer entrega de los premios ...