Segunda edición del concursu “Qué guapo ye querese”

La Oficina de Normalización Llingüística de Xixón, a comuña col Conseyu de la Moceda de Xixón, convoca la segunda edición del concursu de rellatu curtiu “Qué guapo ye querese”.

Esti ye un concursu empobináu a xente mozo y divídese en dos estayes d’edá: una pa persones de 16 a 18 años y otra pa persones d’ente 19 y 25 años. Ente los sos oxetivos inclúise fomentar l’usu normalizáu del asturianu ente la mocedá, visibilizar el Día del Idioma Maternu, averar la lliteratura a les rapaces y rapazos y promover un querer llibre, igualitariu, con bon tratu… seya p’hacia persones o p’hacia idiomes.

El plazu pa presentar los rellatos -qu’han tener ente 300 y 1.000 pallabres- entama’l 29 d’ochobre de 2018 y remata’l 21 d’avientu de 2018.

Los premios van entregase’l 21 de febreru de 2019, coincidiendo col Día Internacional del Idioma Maternu.

Les bases de la convocatoria puen consultase na páxina web de la Oficina de Normalización Llingüística de Xixón y na del Conseyu de la Mocedá de Xixón.

Artículos rellacionaos

Asturies estrena colección de guíes turístiques oficiales

El Gobiernu d’Asturies presenta’l catálogu de guíes turístiques pa 2019. La colección, formada por ...

Torna “Escenines”, el festival d’artes escéniques n’asturianu pa la reciella

Torna un añu más el Festival d’artes escéniques n’asturianu “Escenines pa la reciella”, con ...

Xixón, en Madrid Fusión

Xixón torna a Madrid Fusión con un estand propiu. La feria más importante de ...

Temporada de teatru accesible pa persones con discapacidá sensorial y mayores nel Teatru Xovellanos.

El Teatru Xovellanos va ufiertar cuatro produiciones adautaes pa persones con discapacidá sensorial y ...