Sergio Dalma va actuar el prósimu 21 d’abril nel Teatro de la Laboral

Sergio Dalma va actuar el prósimu 21 d’abril, a les 21:00 hores, nel Teatro de la Laboral.

Va Presentar Vía Dalma III, la tercer entrega de la so esitosa colección de clásicos italianos que publicó esti mes, con 12 cantares de delles décades y estilos d’artistes como Lucio Dalla, Domenico Modugno, Drupi, Toto Cutugno, Matia Bazar, Antonello Venditti, Ricchie Poveri, Gianni Bella, Pino Doggia o Nicola di Bari.

Asitiáu yá ente los discos más vendíos, Vía Dalma III foi grabáu íntegramente en Milán y producíu por Claudio Guidetti. En caún de los temes del discu reflexa’l soníu y la esencia d’una de les voces más personales y reconocibles del panorama musical llatinuamericanu nos postreros 25 años. “Avérome a estos cantares con enorme respetu, suenen a mi y nesti aspeutu, l’oxetivu del discu consiguióse”, esplicó’l mesmu Dalma.

El públicu va poder esfrutar nesti conciertu de lo meyor de les trés entregues de clásicos italianos de Sergio Dalma, ensin escaecese de parte de los ésitos que lu acompañaron dende l’entamu de la so carrera.

Les entraes yá puen adquirise a un preciu de 60 euros nel fosu, de 50 euros nel patiu de butaques y de 35 euros nel anfiteatru nos puntos de venta habituales: la Recepción de la Laboral, la Oficina d’Información Turística d’Asturies n’Uviéu, el Centru Niemeyer n’Avilés, entradas.liberbank.es, 902 106 601 y la rede de caxeros Liberbank.

Tags:

Artículos rellacionaos

Misiva presenta’l so nuevu videoclip “Bombes”

Los asturianos Misiva siguen con más novedaes alredor del so nuevu discu “En Pie ...

Bud Bunny súmase a Gijón Life

El máximu representante del trap va visitar el parque Hermanos Castro el 23 de ...

Fito & Fitipaldis va actuar en Xixón en marzu

En 2018, Fito & Fitipaldis, unu de los grupos de rock and roll más ...

WarCry apuerta a Avilés col meyor heavy en versión sinfónica

La música convirtióse, por drechu propiu, nuna de les señes d’identidá d’Avilés, una ciudá ...

Taburete, cabeza de cartelu de Metrópoli Winter

El festival Metrópoli va tener una edición urbana mientres estes Navidaes en distintos espacios ...