Sleaford Mods, Maria Arnal i Marcel Bagés, Pablo Und Destruktion, La M.O.D.A y BIGOTT, nel Gijón Sound Festival

Sleaford Mods, Maria Arnal i Marcel Bagés, Pablo Und Destruktion, La M.O.D.A y Bigott son los primeros nomes del alcuentru, que va celebrase ente’l 13 y 15 d’abril.

Los abonos véndense en www.gijonsoundfestival.com.

Sleaford Mods

Gijón Sound Festival presenta los sos primeros nomes pal festival d’esti añu. Son Sleaford Mods, Maria Arnal i Marcel Bagés, Pablo Und Destruktion, La M.O.D.A y Bigott. Estos artistes son los primeros que remanecen del cartelu del festival xixonés, que va celebrase los díes 13, 14 y 15 d’abril. El restu del cartelu espublizaráse nes selmanes vinientes.

La presentación del festival va ser el sábadu 27 de xineru na Sala Albéniz, onde va celebrase una fiesta colos grupos Lee Bains III & The Glory Fires+  The Real McCoison.

Gijón Sound Festival afonda nel so apueste pola dinamización cultural de la ciudá, con estayes nueves d’actuación y amosando’l so envís de convertise en acelerador y hub cultural. Nesti sen, nesta edición habrá actividaes nueves, como les obres de teatru La tristura y Sedientos, que van programase nel Teatru Xovellanos, o sesiones de poesía del coleutivu Fame Poétika. Arriendes d’ello, esti añu vamos sorrayar la movilidá como exa de les tendencies urbanes nueves.

L’abonu, agora a preciu especial de 50€, véndese en www.gijonsoundfestival.com. Inclúi la entrada a les dos obres de teatru y la entrada a la fiesta presentación del día 27 de xineru.

Los oxetivos nuevos del festival céntrense en faer de Xixón una marca venceyada a la cultura, la movilidá y l’anovación, conceutos imprescindibles nes ciudades modernes del sieglo XXI. Depués de cinco años de trabayu poniendo la ciudá como motor cultural y económico, préstanos ver que son abondes les propuestes que s’axunten a esta corriente apostando por da-y valir al conceutu ciudá.

Sleaford Mods, Maria Arnal i Marcel Bagés, Pablo Und Destruktion, La M.O.D.A y Bigott

Maria Arnal i Marcel Bagés

Sleaford Mods:  el dúu de Notthingham ye’l conxuntu musical qu’esprese meyor les emociones crudes de la clas obrera. Dende’l Reinu Xuníu y col post-punk como bandera, rap británicu dafechu.

Maria Arnal i Marcel Bagés: preséntense con un direutu consolidáu como una de les esperiencies más emotives y desconcertantes del nuesu presente musical y con “45 cerebros y 1 corazón” (Fina Estampa, 2017) el meyor discu nacional del 2017 (Mondo Sonoro).

Pablo Und Destruktion: averáu a la música astur y folk d’autor con una cadencia misteriosa y sicodélica, los sos cancios son ceremonies con vida propia, cantos íntimos cargaos de sensaciones y pesares.

La M.O.D.A: con influencies del folk, country, punk y rock and roll, creen una propuesta única con un direutu como puntu fuerte. Presenten LP nuevu entituláu ‘Salvavida (de las balas perdidas)’. Sedrá’l “Conciertu Mahou Cinco Estrellas” que va desendolcase nel Espaciu Mahou.

Bigott: los sos direutos son esperiencies úniques, pa esfrutar d’una enerxía contaxosa ente Bigott y el públicu.

Más información sobre tolos artistes equí.

Fiesta presentación Gijón Sound Festival 2018. Lee Bains III & The Glory Fires y The Real McCoyson

Va ser el sábadu 27 de xineru na Sala Albéniz a partir de les 22:00 hores, con apertura de puertes a les 21:30 hores, cuando’l grupu Lee Bains III & The Glory Fires de Alabama presente en Xixón el so tercer discu “Youth Detention/// (Nail My Feet Down to the Southside of Town), editáu por Don Giovanni Records el 20 de xunu de 2017.

Van tar acompañaos por The Real McCoyson. Nel 2003, col so discu segundu “Let It Drill” (H-Records), tola crítica faló de la calidá de la banda asturiana. Cola so mestura de garax, rhythm&blues y lo que les venía pola gana ficiéronse con un nome importante na escena española.

Les entraes a la venta por 8€ + gastos en Gijón Sound Festival. Taquiella 10€. Col abonu de GSF, entrada a esti conciertu ensin necesidá d’entrada.

Artes Escéniques. Gijón Sound Festival col teatru

L’abonu de GSF tamién tien teatru anguaño. El festival va ufrir, en collaboración con Teatru Xovellanos, dos obres:

  • Cine/La Tristura. Vienres 13 d’abril a les 20:30 hores. “Maxinamos a un home mozu, qu’en dellos añosdurante nun s’atrevió a entamar un viax. Seique pola llercia, seique por incapacidá, seique porqu’enxamás alcontró’l momentu…”
  • Sedientos / Compañía Ferroviaria. Sábadu 14 d’abril a les 20:30 hores. “A Boon, un antropólogu forense, piden-y investigar los restos d’un mozu que morrió va 22 años, abrazáu a una moza, dambos dos d’identidá desconocida y atopaos no fonderu d’un ríu xeláu…”
Poesía: Vámonos de timba con Fame Poétika

Gijón Sound Festival tamién collabora con Fame Poetika, coleutivu poético que lleva cuatro años entamando eventos poéticos una vegada al mes per Asturies.

Les sos timbes poétiques consisten en micros abiertos de poesía nos que cualesquier persona pue recitar testos de so o ayenos, apuntándose enantes o direutamente nel recintu.

La Movilidá. Temática d’esti añu en Gijón Sound Festival

La ciudadanía tien un papel medraderu na xestión de les ciudaes porque esta ye más eficiente cuando se ponen en xuegu recursos non convencionales como la conciencia social, capacidá de xestión y cultura organizativa, creatividá, ayuda mutua, dedicación y compromisu de los beneficiarios. Si la comunidá nun s’implica, los proyeutos nun funcionen, por munchos recursos financieros que se destinen.

Dende Gijón Sound Festival quieren aconceyar persones con interés y sensibilidá polos problemes de la ciudá como la movilidá, l’accesibilidá y el medioambiente urbanu y tamos trabayando n’actividaes qu’ayuden a la concienciación d’un tema tan importante pa construyir un Xixón del sieglu XXI.

Tags:

  • Conseyu de redacción de Conocer Asturies. redaccion@conocerasturies.es

Artículos rellacionaos

La xira d’Operación Triunfo, esti branu en Xixón

Los 16 concursantes de la última edición de OT van ufiertar el so espectáculu’l ...

Bud Bunny súmase a Gijón Life

El máximu representante del trap va visitar el parque Hermanos Castro el 23 de ...

Taburete, cabeza de cartelu de Metrópoli Winter

El festival Metrópoli va tener una edición urbana mientres estes Navidaes en distintos espacios ...

Conciertu de Dani Martín en xunetu de 2018 en Xixón

Dani Martín va llegar a Xixón cola xira Grandes Éxitos y Pequeños Desastres, un percorríu ...