Temporada de teatru accesible pa persones con discapacidá sensorial y mayores nel Teatru Xovellanos.

El Teatru Xovellanos va ufiertar cuatro produiciones adautaes pa persones con discapacidá sensorial y persones mayores na temporada

Teatro Accesible y el Teatru Xovellanos de Xixón presenten la primer temporada accesible pa persones con discapacidá auditiva, visual y persones mayores. El proyeutu, qu’anguaño desendolca la so temporada séptima n’otres ciudaes, ye posible gracies al compromiso cola accesibilidá de los muérganos que participen: la Fundación Vodafone España, el Centro de Rehabilitación Laboral Nueva Vida, la Fundació Els Tres Turons y Aptent Soluciones.

Teatro Accesible ye un programa d’accesibilidá sensorial que garantiza’l serviciu de sotituláu, audiodescripción, bucle magnéticu y soníu de sala en más de mediu centenar de produiciones teatrales.

Asina, delles funciones d’esta temporada del Teatru Xovellanos van cuntar con estos servicios. En concreto, les sesiones de teatru que van tener esta accesibilidá van ser “Oleanna” el 3 de febreru, “La ternura” el 27 d’abril, “Sueño” el día 28, y “Muñeca de Porcelana” dará’l pieslle a la temporada accesible’l 8 de xunu.

Ente los teatros comprometios cola accesibilidá na so programación afáyense los Teatros del Canal, el Centro Dramático Nacional, el Teatro Bellas Artes y el Teatro de la Abadía en Madrid, el Teatre Nacional de Catalunya o el Teatre Goya en Barcelona, y el Teatro Calderón en Valladolid ente otros.

Tags:

  • Conseyu de redacción de Conocer Asturies. redaccion@conocerasturies.es

Artículos rellacionaos

Domingu’l Gordu en Rozaes (Villaviciosa)

El domingu 11 de febreru celebróse na parroquia de Rozaes (Villaviciosa) el Domingu’l Gordu, ...

La plataforma PlayPresta participa nos actos del Festival Metrópoli 2018 en Xixón

La plataforma de youtubers n’asturianu PlayPresta va tar presente nos actos del Festival Metrópoli ...

Un rally de 1.000 kilómetros ente Sevilla y Xixón

Sevilla – Xixón en moto, mil kilómetros d’aventura en tres etapes: gastronomía, contrastes de ...

Berta Piñán gana’l 38 Premiu Xosefa Xovellanos de novela n’asturianu

Berta Piñán ha ganado el Premio Xosefa Xovellanos de novela en asturiano, que concede ...

Xixón pieslla’l cuatrimestre primeru con más turistes que nunca

115.410 persones agospiáronse nos hoteles de la ciudá asturiana nos cuatro meses primeros del ...