Torna “Escenines”, el festival d’artes escéniques n’asturianu pa la reciella

Torna un añu más el Festival d’artes escéniques n’asturianu “Escenines pa la reciella”, con actuaciones que van celebrase del 26 al 19 d’avientu nel Centru de Cultura Vieyu Institutu de Xixón.

La sesta edición del festival d’artes escéniques n’asturianu orientáu al públicu infantil y organizáu pola asociación Reciella ye, como ye vezu, d’entrada llibre hasta completar aforu. El calendariu d’actividaes ye’l que va darréu:

Miércoles 26 d’avientu: “Cuentos a la lluz d’un candil”. Olga Cuervo

Cuentos pa neños, cuentos pa neñes. Cuentos pal frío, y pa les estrelles. Cuentos pa contar, cuentos pa escuchar. Cuentos pa baillar y tamién pa cantar.

Xueves 27 d’avientu: “Azul y la revolución de los colores”. Mar Rojo Teatro

Espectáculu de teatru y títeres que fala d’unes formigues que van vestíes de blancu y prietu. Por eso, la les sos compañeres, Azul ye otra formiga prieta. Pa ella mesma tamién. Por embargu, Azul siente qu’hai dalgo más p’allá y prúye-y les ganes de saber, descubre que fuera del formigueru hai un mundu enllenu colores.

Vienres 28 d’avientu: “El Principín”. Higiénico Papel Teatro

Adaptación teatral de la famosa obra d’Antoine de Saint-Exupéry protagonizada por un Principín señaldosu y amable que cuenta la so historia nun tonu adaptáu pa lo pequeño de la casa.

Sábadu 29 d’avientu: “Cantares navidiegos pa neños y neñes”. Bandina de músicos asturianos

Una bandina formada por dalgunos de los nuestros meyores músicos tradicionales van poner nel escenariu una recopilación de cantares navidiegos, tanto los que correspuenden al cancioneru tradicional, como los nuevos compuestos a propósitu de los personaxes del Anguleru o’l Nataliegu.

Tags:

Artículos rellacionaos

Segunda edición del concursu “Qué guapo ye querese”

La Oficina de Normalización Llingüística de Xixón, a comuña col Conseyu de la Moceda ...

Gijón Sound Festival, nomináu a los Iberian Festival Awards 2017

Gijón Sound Festival, entamáu por Mestizo y Divertia, ta nomináu en 8 estayes de ...

Tinéu, un destín d’oru

El MOA (Muséu del Oru d’Asturies) ta asitiáu nel pueblu de Navelgas (Tinéu), d’unos ...

Nueves visites guiaes a la esposición “Voces. La llingua al traviés de los sieglos”

Más de 4.000 persones visitaron yá la esposición Voces. La llingua n’Asturies al traviés de ...