Trés barcos hestóricos van atracar en Xixón

Répliques de los más célebres navíos de la hestoria, van poder visitase xuntos per primer vegada en Xixón.

Xixón prepárase pa vivir un eventu escepcional. Un Festival Marítimu qu’axunta per primer vegada a trés hestóricos navíos: la Nao Victoria, fiel réplica del barcu remató la Primer Vuelta al Mundu con Magallanes y Elcano (1519-1522), el Galeón Andalucía, réplica de los llexendarios galeones españoles que per sieglos derrompieron l’Atlánticu y el Caribe, y la goleta l’Atyla. Nos díes 19 al 23 de setiembre van tar atracaos xuntos nel puertu d’El Musel, onde van poder ser visitaos pol públicu.

Una cita ensin precedentes na que podrá contemplase y xubir a bordu d’estos trés grandes navíos, representativos de la nuesa hestoria marítima más universal y auténticos museos flotantes, pa conocer la so hestoria y los sos detalles.

Trés barcos emblemáticos qu’amás percorrieron yá milles náutiques per tol mundu, espublizando’l patrimoniu marítimu hestóricu n’importantes xires internacionales.

La Nao Victoria ye un barcu de pinu y carbayu, de 26 metros d’eslora y 7 de manga, con 4 palos qu’irguen 7 veles, construyíu col máximu rigor hestórico. Durante los años 2004/2006 completó la so propia vuelta al mundu y dende entós realizó delles xires per EE.XX. y países d’Europa como Francia, Inglaterra, Países Baxos, Bélxica, Alemaña, Lituania o Polonia.

El Galeón Andalucía, ye un pimpanu navíu de 55 metros d’eslora, madera d’irocu y pinu, 4 palos y 930 m2 de superficie vélica nos sos siete veles. Navegó hasta China pa participar na Expo Shanghái 2010, y a la so vuelta crució l’Atlánticu pa visitar Santu Domingo, Puerto Rico, EE.XX. y Canadá, recalando en más 70 ciudaes como New York, Washington D.C., Philadelphia, Boston, Chicago, Miami, San Juan de Puerto Rico, Toronto o Quebec. Anguaño atópase realizando una esitosa xira pel norte d’Europa.

L’Atyla, una goleta clásica española de 31 metros d’eslora, convertida en buque escuela con un ampliu proyectu educativu, que realiza cada añu una ruta distinta alredor d’Europa, visitando multitudinarios festivales marítimos y regates de grandes veleros, y qu’embarca a centenates d’aprendices de decenes de países. Nel festival, l’Atyla va realizar peles tardes salíes diaries y travesíes d’unes hores, nes que pue participar el públicu.

Miles de persones de tol mundu visitaron yá les cubiertes d’estos navíos que per primer vegada van atracar xuntos en Xixón. Una estampa única que va poder esfrutase per unos díes na ciudá.

Artículos rellacionaos

Xuan Nel Expósito espubliza’l primer manual pa deprender a tocar la curdión diatónica

La obra compónse d’exercicios, y casi cuarenta partitures de pieces tradicionales asturianes xunto con ...

Nueves visites guiaes a la esposición “Voces. La llingua al traviés de los sieglos”

Más de 4.000 persones visitaron yá la esposición Voces. La llingua n’Asturies al traviés de ...

3 rutes pela costa asturiana pa nun quedar atrapáu na nieve.

Sienda costera del Cabu Peñes La villa de Lluanco ye’l llugar escoyíu pa entamar ...

El Parres más indianu

Lo que nel pasáu foi una realidá que marcó la vida de munchos asturianos ...

Un añu enllenu d’aniversarios hestóricos p’Asturies

2018 ye un añu especial pa Cuadonga (Cangues d’Onís). Conmemórense los centenarios de trés ...

Bailles d’Asturies: El cariáu

Baille de corru estendíu per gran parte del occidente d’Asturies, en conceyos tan distantes ...