Última selmana de matrícula pal cursu de branu “Xestión cultural n’Asturies”

Esti mes d’agostu y dientro del programa de la Univerasidá Asturiana de Branu (UABRA), entamada pola Universidá d’Uviéu y l’Academia de la Llingua Asturiana, va celebrase’l cursu Xestión cultural n’Asturies: creando cultura a traviés de los medios, del 6 al 10 d’agostu de 2018 en Cangas del Narcea.

L’oxetivu d’esti cursu, empobináu por Isabel Hevia Artime, ye afondar na conocencia de la teoría y les ferramientes práutiques de la xestión cultural venceyaes n’especial a los campos de la xestión de la política llingüística y la cultura n’Asturies, averándonos a la conocencia de la situación de la estaya y apurriendo ferramioentes básiques pal trabayu nel campu de la xestión cultural n’Asturies, dende un puntu de vista teóricu y práuticu.

Como profesores van tar, amás de la directora del cursu, Isabel Hevia Artime, profesora de la Universidá d’Uviéu, el periodista y xestor cultural Inaciu Galán, la responsable de la Oficina de Normalización Llingüística de Xixón María Xosé Rodríguez y el periodista de la TPA y profesor de comunicación Cristobal Ruitiña.

El cursu, que s’imparte n’asturianu, pero pal que nun se necesita tener nengún nivel específicu, va facese dientro de la Universidá Asturiana de Branu (UABRA), qu’organicen l’Academia de la Llingua Asturiana y la Universidá d’Uviéu.

La Universidá Asturiana de Branu celébrase en Cangas del Narcea, na so escuela llar, onde se ta la selmana del cursu en réxime d’internáu. El preciu del cursu, con agospiu a pensión completa y colos materiales incluyíos ye de 190 euros. El plazu pa matriculase ta abiertu hasta’l vienres 1 de xunu.

Matrícula: Del 21 de mayu al 1 de xunu. Academia de la Llingua Asturiana

Horariu:
Llunes a xueves de 9 a 15 hores y de 16 a 19 hores.
Vienres de 9 a 14 hores.

Síguese un orde rigorosu d’inscripción. Amás del importe de la matrícula y una semeya, hai qu’enllenar tamién l’impresu de matriculación que se facilita na Academia.

Contactu: 985 21 18 37 alla@academiadelallingua.com

  • Conseyu de redacción de Conocer Asturies. redaccion@conocerasturies.es

Artículos rellacionaos

Presentose’l diccionariu Etimolóxicu de la Llingua Asturiana (DELLA)

Esti xueves, 15 de marzu, tuvo llugar la presentación del Diccionariu Etimolóxicu de la ...

L’Academia de la Llingua presenta el XXXIX Día de les Lletres Asturianes

Esti xueves, 22 de marzu, tuvo llugar la presentación nel llar de l’Academia de ...

Xuan Santori Vázquez llogra’l Premiu Máximo Fuertes Acevedo d’Ensayu n’asturianu

Xuan Santori Vázquez, resultó ser el ganador de la XXIII edición del Premiu «Máximo ...

Festival de vinos de famosos n’Avilés

La ciudá calienta motores pal branu col Famous Wine Festival, el festival de lliteratura ...

Pista de patinaxe sobre xelu en La Esposición (Avilés)

La programación navidiega pa esti añu n’Avilés, inclúi una pista de patinaxe sobro xelu ...