TPA emite esti programa que mos permite conocer con fondura los secretos de la sidra dende’l pumar al chigre

La televisión pública asturiana (TPA) ta emitiendo dende’l mes de xunetu un programa nuevu dedicáu a la cultura sidrera. Mundu Sidreru, presentáu pol periodista Inaciu Galán. Agora, nel so segundu pase, emítese los miércoles a les 15:15 hores. Cuenta cola collaboración del Conseyu Regulador de la DOP Sidra d’Asturies. 

Mundu Sidreru ye un programa que percuerre toles facetes de la Sidra d’Asturies, visitando llagares, chigres, eventos y falando coles persones que más saben de la bebida insignia de la cultura asturiana, nestos momentos nos que la cultura sidrera asturiana vive un procesu de preparación de la so candidatura a Patrimoniu Inmaterial de la Humanidá énte la UNESCO.

El programa inclúi una receta fecha con Sidra d’Asturies pol cocineru Lluis Nel Estrada, asina como un concursu con entrugues na cai, nel que los participantes ponen a prueba los sos conocimientos sobre la Sidra d’Asturies, amás d’una entrevista con figures relevantes de la sociedá asturiana, alredor d’una botella y echando unos culinos n’espacios impactantes del paisaxe d’Asturies que se convierten en platós del programa.

Per esta sección pasaron nesta primer temporadal’artista Rodrigo Cuevas, el director de la revista La Sidra, Marcos Abel Fernández, la cantante Anabel Santiago, el sicerator Ricardo del Río, la presentadora Sonia Fidalgo, el xugador de balomano Raúl Entrerríos…

Na sección Chigreros auténticos, el presentador del programa sométese a retos sidreros que-y ponen los chigreros, talos como echar sidra, caltener el productu a la temperatura afayadiza, ayudar na cocina o nel comedor… 

El programa ta disponible pa ver en rtpa.es/alacarta y nes sos redes sociales en Facebook, Twitter ya Instagram. 

Tags:

Artículos rellacionaos

La prueba cicloturista “Ruta Vía de la Plata Non-Stop” saldrá de Xixón

Xixón – Sevilla en bici per 962 kilómetros de distancia y un desnivel acumuláu ...

Berta Piñán gana’l Premiu María Josefa Canellada de Lliteratura Infantil y Xuvenil

La escritora Berta Piñán resultó ganadora de la décima edición del Premiu María Josefa ...

A Conseyeiría d’Educación y Cultura presenta na Caridá el octavo númaro da revista Trabatel

A publicación nacéu como un escaparate prá creación lliteraria actual en gallego-asturiano Trabatel. Revista ...

Pista de patinaxe sobre xelu en La Esposición (Avilés)

La programación navidiega pa esti añu n’Avilés, inclúi una pista de patinaxe sobro xelu ...

El sabadiegu, xoya gastronómica de Noreña

El sabadiegu ye unu de los embutíos más característicos del conceyu asturianu de Noreña. Ye unu ...