Xixón torna a Madrid Fusión con un estand propiu. La feria más importante de gastronomía n’España celébrase del 22 al 24 de xineru.

Xixón torna un añu más a Madrid Fusión, la feria gastronómica cimera d’España y ún de los referentes a nivel mundial. Ésti ye’l quintu añu qu’aporta la ciudá asturiana a la cita y la sidra va ser de nueves el productu bandera que va amosar Divertia nesti salón gastronómicu.

Pa ello, la ciudá va cuntar con una zona espositiva al serviciu d’empreses del sector na primera planta y con un espaciu nel hall d’entrada, onde un escanciador va dar a prebar la bebida asturiana y onde va promocionase l’eventu Xixón de sidra.

Nel estand de la primera planta, nel que s’afayará’l conceyal de Turismu, Deportes, Festexos y Xuventú, Jesús Martínez Salvador, Xixon va cuntar cola presencia d’empreses del sector, productores llocales, empreses de catering y un llagar, que va presentar delles variedaes de sidra.

La gastronomía y la sidra son dos de los atributos cimeros na estratexa y posicionamiento turísticu de Xixón. Asína remanez nel Plan d’Aición de Turismu de Xixón válidu hasta 2020 y que pide a la ciudá reforciase como destín gastronómicu.

  • Conseyu de redacción de Conocer Asturies. redaccion@conocerasturies.es

Artículos rellacionaos