Xixón rexistra un 1,8% más de viaxeros y un 2,8% más de pernoctaciones nel mes d’ochobre y algama fitos hestóricos nuevos.
El turismo estranxeru sigue siendo’l motor del turismu na ciudá, con un medru del 23,7%.

Según los datos oficiales asoleyaos güei pol Instituto Nacional de Estadística (INE), la cifra total de viaxeros agospiaos n’establecimientos hoteleros de Xixón nel mes d’ochobre foi de 38.636 persones, un +1.8% no que cinca al mesmu mes del añu últimu. No que cinca a les pernoctaciones (73.963), l’incrementu no que cinca a ochobre del añu últimu foi del +2,8%.

Los datos rexistraos nel mes son los meyores datos de la serie hestórica pa un mes d’ochobre. Nel norte d’España, namái Xixón y A Coruña rexistren resultaos positivos nes estadístiques d’ocupación hotelera nel mes d’ochobre.

Ye de sorrayar l’incrementu del turismu estranxeru. N’ochobre, agospiáronse n’establecimientos hoteleros de Xixón 6.645 estranxeros, 1.274 más que l’añu últimu (un 23,7% más).

La tasa d’ocupación rexistrada n’ochobre algamó’l 49,7% y medra un +3,5% no que cinca al añu pasáu. Ye la mayor tasa d’ocupación rexistrada na ciudá pa un mes d’ochobre de magar hai datos oficiales.

La rentabilidá de los establecimientos (RevPAR) foi de 36,44 euros por habitación disponible (un +7,1% más qu’en 2017) y la fauturación del sector hotelero n’ochobre algamó los 2,8 millones d’euros, un 3,9% más.

Acumuláu xineru-ochobre

La cifra de viaxeros no que va d’añu ye de 382.192, un +3,3% no que cinca al mesmu periodu de 2017. El mayor incrementu rexístrase nel mercáu estranxeru, qu’algama los 66.230 turistes, 15.696 más qu’en 2017 (+31,1%).

No que cinca a la cifra de pernoctaciones (767.169), l’incrementu acumuláu ye del +2,8%, el más altu de la España Verde. La tasa d’ocupación nos primeros diez meses del añu afítase nel 53,8%, un +4,9% no que cinca al añu últumu.

Artículos rellacionaos

Manfredo Álvarez moderará la charra”Quini, el sportinguista más grande de tolos tiempos”

La charra, na que participa’l periodista xixonés Juanma Castaño, va tener llugar esti xueves ...

Pista de patinaxe sobre xelu en La Esposición (Avilés)

La programación navidiega pa esti añu n’Avilés, inclúi una pista de patinaxe sobro xelu ...

Esti llunes ábrese la matrícula de la Prueba de Conocencia de l’Academia de la Llingua Asturiana

L’Academia de la Llingua Asturiana, sabiendo’l fondu interés de munches persones por llograr que ...

PlayPresta prepara una webserie de ficción low cost pa la so canal

La productora Cuatro Gotes Producciones punxo en marcha a finales de 2017 la canal ...