Xuan Xosé Sánchez Vicente, Premiu Urogallo de Bronce 2017 na estaya de Llingua Asturiana pol so llabor en favor del idioma.

La figura de Xuan Xosé Sánchez Vicente ye clave na configuración del movimientu en defensa y pola revitalización y normalización del asturianu nos últimos cuasi 50 años. Fundador xunto a Xosé Lluis García Arias y Lluis Xabel Texuca de la organización pionera Conceyu Bable, dende entós el so llabor vieno desarrollándose en cásique tolos ámbitos: la investigación filolóxica y lliteraria, la escritura en tolos xéneros, la política… 

Esti gallardón, qu’entrega dende 1986 el Centro Asturiano de Madrid, ye unu de los más prestixosos dedicaos al llabor pol idioma y recibiéronlu dende la so fundación figures como María Xosefa Canellada, Xosé Lluis García Arias, María Eshter García, Ana Cano, Llorienzo Novo Mier, Xuan Bello, Nené Losada Rico o Berta Piñán. 

Con esti nuevu premiáu tán yá nel llistáu de ganadores los trés fundadores de Conceyu Bable. 

Tags:

Artículos rellacionaos

Carlos Alba gana’l I Premiu «Nel Amaro» de Teatru Profesional

Carlos Alba resultó ganador de la primer edición del Premiu“Nel Amaro”de Teatru Profesional en ...

Formientu, un espaciu nuevu pa conocer la lliteratura asturiana na rede

La revista lliteraria Formientu, que sal en papel dende l’añu 2006 y ta codirixida ...

Un antroxu “Dándole vueltas al disfraz”

El concursu entamáu por Divertia pa escoyer un cartelu col qu’ilustrar l’Antroxu de Xixón, ...